ផ្ទះ ព័ត៌មានជាតិ លាន់សូរតែផាំង...

លាន់សូរតែផាំង! ម៉ូតូពីរគ្រឿង បុកគ្នាពេញទំហឹង បណ្ដាលឲ្យស្លាប់ និងរបួសមនុស្ស ៣នាក់

0

កំពង់ធំ: កាលពីវេលាម៉ោង២០ និង០០នាទីថ្ងៃទី០៨ ខែវិច្ឆិកា ឆ្នាំ២០១៩ លើកំណាត់ផ្លូវលំក្រាលកៅស៊ូ ភូមិត្រពាំងសិលា ឃុំឈូក ស្រុកប្រាសាទសំបូរ ខេត្តកំពង់ធំ មានករណីគ្រោះថ្នាក់ចរាចរណ៍មួយ រវាងម៉ូតូបុកម៉ូតូ ក្នុងទិសដៅផ្ទុយគ្នា បណ្ដាលឲ្យស្លាប់០២នាក់ (ប្រុស) របួសធ្ងន់០១នាក់(ប្រុស) និងខូចខាតម៉ូតូ០២គ្រឿង។

ម៉ូតូម៉ាកហុងដាឌ្រីម C125 ពណ៌ខ្មៅ ស្លាកលេខ កំពង់ធំ 1H.6097 (បើកបរទិសដៅលិចទៅកើត) ដោយឈ្មោះ ងៃ តុលា ភេទប្រុស អាយុ១៧ឆ្នាំ នៅភូមិកំពង់លុក ឃុំគោល ស្រុកប្រាសាទសំបូរ ខេត្តកំពង់ធំ មុខរបរកសិករ ស្លាប់នៅកន្លែងកើតហេតុ (មិនពាក់មួកសុវត្ថិភាព)។

ម៉ូតូម៉ាក ហុងដាឌ្រីមC125 ពណ៌ខ្មៅ ស្លាកលេខ កំពង់ធំ1L.3279 (បើកបរទិសដៅ ពីកើតទៅលិច) ដោយឈ្មោះ លុន ឆេងលៀម ភេទប្រុស អាយុ២០ឆ្នាំ រស់នៅភូមិកំពង់លុក ឃុំគោល ស្រុកប្រាសាទសំបូរ ខេត្តកំពង់ធំ មុខរបរកសិករ ស្លាប់នៅកន្លែងកើតហេតុ (មិនពាក់មួកសុវត្ថិភាព)។ អ្នករួមដំណើរឈ្មោះ ខេន សុខជ័យ ភេទប្រុស ២១ឆ្នាំ រស់នៅភូមិ ឃុំជាមួយអ្នកបើកបរម៉ូតូ មុខរបរកសិករ របួសធ្ងន់ (ពាក់មួកសុវត្ថិភាព)។

មូលហេតុបឋម៖ បង្កឡើងដោយអ្នកបើកបរម៉ូតូទាំងពីរ បើកបរមិនប្រកាន់ស្តាំ។

ក្រោយហេតុ សមត្ថកិច្ច ចុះវាស់វែង និងយកវត្ថុតាង ទៅរក្សាទុកនៅ អធិការដ្ឋាននគរបាលស្រុកប្រាសាទសំបូរ៕

Loading...

Leave a Reply

This site uses Akismet to reduce spam. Learn how your comment data is processed.