ផ្ទះ ព័ត៌មានជាតិ សូមឪពុកម្ដាយប...

សូមឪពុកម្ដាយប្រុងប្រយ័ត្នចំពោះកូនៗ! ក្មេងប្រុសម្នាក់ដេញចាប់សត្វ ត្រូវម៉ាស៊ីនច្រូតថយកិន បណ្ដាលឲ្យរបួសធ្ងន់

0

ព្រៃវែង: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅ​ព្រឹក​ថ្ងៃ​ទី​១៣​ ខែធ្នូ​ ឆ្នាំ​២០១៩​ នៅ​ចំណុច​វាលស្រែ មានករណីម៉ាស៊ីនច្រូតបើកថយក្រោយកិនកុមាម្នាក់រងរបួសធ្ងន់ ​ស្ថិត​ភូមិ​ទ្រា​ ឃុំ​សេនា​រាជ​ឧត្តម​ ស្រុក​ព្រះស្ដេច​ ខេត្តព្រៃវែង។

ដំណើររឿង៖ នៅថ្ងៃកើតហេតុ មានម៉ាស៊ីន​ច្រូតស្រូវ​១គ្រឿងម៉ាក ​KUBOTA​ DC.70​ ពណ៌​ក្រហម​លាយ​ស​ បើក​បរដោយ​ជន​មិន​ស្គាល់អត្តសញ្ញាណ ​(​រត់​គេចខ្លួន​)​ ​កំពុង​​ច្រូតស្រូវ​ហើយ​បាន​បើក​ថយក្រោយ​បណ្តាលឲ្យកិន​ជើង​កុមារងគ្រោះឈ្មោះ អ៊ែ​ល​ ម៉ា​នី​ ភេទ​ប្រុស​ អាយុ​ ១១​ ឆ្នាំ​ រស់នៅ​ភូមិ/​ឃុំខាងលើ ដែល​រត់​ដេញចាប់​សត្វ​ពីក្រោយ​រង​របួសធ្ងន់​។​

ក្រោយកើតហេតុ​ ជន​រង​គ្រោះ​បញ្ជូន​ទៅ​ព្យាបាលនៅពេទ្យ​ស្រុក​ព្រះស្តេច ចំណែក​វត្ថុតាងត្រូវសមត្ថកិច្ចយក​ទៅ​រក្សា​ទុក​នៅ​ប៉ុស្តិ៍​សេនា​រាជ​ឧត្តម​ ដើម្បី​បន្ត​នីតិវិធី​៕

មតិយោបល់