ភ្នំពេញៈ នៅថ្ងៃទី ១៩ខែធ្នូ ឆ្នាំ ២០១៩ វេលាម៉ោង ១២និង០០នាទី ចំណុចផ្លូវលេខ៥ ក្រុមទី១៤ ភូមិមិត្តភាព សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ មានករណីឆក់កាបូបស្ពាយពីនារីម្នាក់។

ជនសង្ស័យឈ្មោះ នូ ដារ៉ា ហៅ ទី ភេទ ប្រុស អាយុ ២៧ ឆ្នាំ មុខរបរ មិនពិតប្រាកដ មានីលំនៅផ្លូវលំ ភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។

ដំណើររឿងហេតុ៖ ជនរងគ្រោះជិះមូតូដឹកកូនស្រី អាយុប្រហែល៥ឆ្នាំ មកពីស្រុកកណើត នៅខេត្តព្រៃវែង ទៅផ្ទះជួល នៅភូមិបឹងឈូក សង្កាត់ គីឡូម៉ែត្រលេខ៦ ពេលធ្វើដំណើរដល់ចំណុចកើតហេតុ ស្រាប់តែជនសង្ស័យខាងលើ ជិះម៉ូតូ០១គ្រឿងម៉ាក HONDA WAVE ពណ៌ ខ្មៅ មកពីខាងក្រោយ អែបពីខាងស្តាំម៉ូតូជនរងគ្រោះ រួចយកដៃឆ្វេងធ្វើសកម្មភាពឆក់កាបូបស្ពាយ ពីជនរងគ្រោះ បណ្តាលឲ្យទាក់ដៃចង្កូតជាមួយម៉ូតូជនរងគ្រោះដួល រួចជនសង្ស័យ ក៏បានរត់គេចខ្លួន ហើយជនរងគ្រោះបានស្រែកថាចោរៗ ស្របពេលកម្លាំងល្បាតខណ្ឌ និងប៉ុស្តិ៍ប្រទេះឃើញក៏បានដេញចាប់និង ឃាត់ខ្លួនជនសង្ស័យ នាំមកកាន់ប៉ុស្តិ៍នគរបាលរដ្ឋបាលឫស្សីកែវតែម្តង ។

បចប្ចុប្បន្នផ្នែកជំនាញខណ្ឌ និងប៉ុស្តិ៍កំពុងសាកសួរយកចម្លើយ និងកសាងសំណុំរឿង បញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕