កំពត: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កាលពីវេលាម៉ោង ៤ព្រឹក ថ្ងៃទី២៣ ខែធ្នូ ឆ្នាំ២០១៩ មានករណីស្ត្រីម្នាក់ចូលលួចទ្រព្យសម្បត្តិក្នុងមន្ទីរពេទ្យខេត្ត ស្ថិតភូមិកំពង់បាយខាងត្បូង សង្កាត់កំពង់បាយ ក្រុងកំពត ខេត្តកំពត។
ជនរងគ្រោះឈ្មោះ រៀម ភ័ក្រ អាយុ ៤០ ឆ្នាំ មានទីលំនៅភូមិសំរ៉ុងកណ្តាល ឃុំសំរ៉ុង ស្រុកព្រៃនប់ ខេត្តព្រះសីហនុ មុខរបរនេសាទ។
ជនសង្ស័យឈ្មោះ ឈឹម ផល្លា អាយុ ៤៨ ឆ្នាំ រស់នៅភូមិអូរតូច សង្កាត់អណ្ដូងខ្មែរ ក្រុងកំពត។
សម្ភារ:បាត់បង់៖
ខ្សែកមាស ទម្ងន់២តម្លឹង ៦ជី ម៉ូដច្រវ៉ាក់ឆាប បន្តោងយុថ្កា
ប្រាក់រៀលចំនួន៤,០០០,០០០(បួនលាន)រៀល
កាបូបស្ពាយចំហៀង១ ពណ៌ខៀវទឹកប៊ិច។
វត្ថុតាងដកហូតបាន៖
-ប្រាក់ចំនួន ៦១០ដុល្លារ
-ប្រាក់រៀលចំនួន ៥៥០,០០០រៀល
-កាបូបពណ៌ខៀង
-ខ្សែដៃលោហ:ធាតុ ពណឥទឹកមានស១ខ្សែ។
ដំណើររឿង៖ មុនពេលកើតហេតុ ជនរងគ្រោះទៅមើលថែប្រពន្ធសម្រាលកូននៅអគារសម្ភពមន្ទីរពេទ្យខេត្តកំពត ហើយបានដេកលក់ខណ:ភ្ញាក់ឡើងស្រាប់តែបាត់ទ្រព្យសម្បតិ្តដូចខាងលើ ក៏រាយការទៅសមត្ថកិច្ចឲ្យជួយអន្តរាគមន៍។ បន្ទាប់ពីទទួលបានព័ត៌មាន និងធ្វើការសួរនាំសមត្ថកិច្ចធ្វើការស្រាវជ្រាវរហូតឈានដល់ការឃាត់ខ្លួនជនសង្ស័យ នៅភូមិធាយ ឃុំវត្តអង្គខាងត្បូង ស្រុកបន្ទាយមាស រួមទាំងវត្ថុតាង។
ក្រោយពីឃាត់ខ្លួនជនសង្ស័យបានសារភាពថា ខ្លួនពិតជាលួចរបស់ជនរងគ្រោះប្រាកដមែន បន្ទាប់មកសមត្ថកិច្ចបានកសាងសុំណុំរឿងចាត់ការតាមនីតិវិធី៕
មតិយោបល់