ផ្ទះ ព័ត៌មានជាតិ រថយន្តមិនចាំម...

រថយន្តមិនចាំម៉ាកបុកម៉ូតូ បណ្ដាលឲ្យមនុស្សស្លាប់ និងរងរបួសធ្ងន់ ២នាក់ នៅស្រុកត្រាំកក់

0

តាកែវ: នៅថ្ងៃទី២៤ ខែធ្នូ ឆ្នាំ២០១៩ វេលាម៉ោង ១០និង០០នាទី មានករណីគ្រោះថ្នាក់ចរាចរណ៍មួយកើតឡើងរវាងម៉ូតូនិងរថយន្ត ស្ថិតលើផ្លូវលេខ១៣២ ចន្លោះគីឡូម៉ែតលេខ១៩-២០ ភូមិស្ទឹង ឃុំអូរសារាយ ស្រុកត្រាំកក់ ខេត្តតាកែវ។

រថយន្តមិនចាំម៉ាក ក្រោយបង្កហេតុបើករត់គេចបាត់។
ម៉ូតូម៉ាក ឌូក ពណ៌សលាយទឹកក្រូច ពាក់ស្លាកលេខ ភ្នំពេញ 1CK-4618 អ្នកបើកបរឈ្មោះ ងួន ដារ៉ូ ភេទប្រុស អាយុ ២២ឆ្នាំ (ស្លាប់) រស់នៅភូមិត្រពាំងខ្ចៅ ឃុំអូរសារាយ ស្រុកត្រាំកក់ ខេត្តតាកែវ។ រួមដំណើរជាមួយឈ្មោះ សយ ប្រុសពៅ ភេទប្រុស អាយុ ១៦ឆ្នាំ (រងរបួសធ្ងន់) មានទីលំនៅភូមិឃុំជាមួយគ្នា។

ដំណើររឿង៖​ មុនពេលកើតហេតុរថយន្តបង្ក ធ្វើដំណើរពីលិច លុះមកដល់ចំណុចខាងលើ ស្រាប់តែបុកម៉ូតូជនរងគ្រោះ បណ្ដាលឲ្យមនុស្សស្លាប់ និងរបួសធ្ងន់ ក្រោយពេលកើតហេតុសមត្ថកិច្ច ចុះដល់ទីតាំងយកវត្ថុតាងទៅរក្សាទុក នៅប៉ុស្តិ៍នគរបាលរដ្ឋាបាលអូរសារាយ ចំណែកសព ប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី រីឯអ្នករបួស ត្រូវបានបញ្ជូនទៅសម្រាកព្យាបាលមន្ទីរពេទ្យ៕

មតិយោបល់