ផ្ទះ ព័ត៌មានជាតិ ស្លាប់២នាក់ រ...

ស្លាប់២នាក់ រួបសធ្ងន់ម្នាក់ ខណៈជិះម៉ូតូចេញពីជប់លៀងនៅ7NGត្រូវរថយន្តបុក

0

ព្រៃវែង: ស្រវឹងធ្លាក់ភ្នែកជិ:ម៉ូតូក្នុងល្បឿនលឿនចូលគន្លងរថយន្ត ​ត្រូវ​រថយន្ត​បុក​ផ្លោងធ្លាក់ម៉ូតូប៉ើងជាច្រើនម៉ែត្រ បណ្ដាលឲ្យរបួសធ្ងន់ទាំង០៣នាក់ តែបានស្លាប់០២នាក់ ខណ:បញ្ជូនទៅមន្ទីរពេទ្យ។ ដែល​ហេតុការណ៍គ្រោះថ្នាក់ចរាចរណ៍នេះបានកើតឡើងកាលពី​វេលាម៉ោង៧៖៤០យប់ ថ្ងៃទី២៧ ខែកក្កដា ឆ្នាំ២០១៦ លើផ្លូវជាតិលេខ៨ នៅចន្លោះគីឡូម៉ែតលេខ៤៩-៥០ ចំនុចភូមិគគរ ឃុំកំពង់ពពិល ស្រុកពារាំងខេត្តព្រៃវែង។

ប្រភពពីកន្លែងកើតហេតុបាន​ឲ្យ​ដឹងថា ជនរងគ្រោះមានគ្នា០៣នាក់ ទី១-ឈ្មោះ តូនី បូផា ភេទប្រុស អាយុ២២ឆ្នាំ មានមុខរបរជាងសំណង់ រស់នៅភូមិព្រៃខ្លា ឃុំរាប ស្រុកពារាំង ខេត្តព្រៃវែង​ (រងរបួសធ្ងន់ ដាច់កំភួនជើង និងដៃ)។ ទី២ ឈ្មោះ ក្រេង ចក់ ភេទប្រុសអាយុ២២ឆ្នាំ មានទីលំនៅភូមិជាមួយបានរងរបួសដាច់ករជើងនិងភ្លៅ ដោយរបួសធ្ងន់ពេកបានស្លាប់ ខណ:បញ្ជូនដល់មន្ទីរពេទ្យ។ ទី៣ ឈ្មោះ ស៊ុន លាង មឹក ភេទប្រុស អាយុ២២ឆ្នាំ មានទីលំនៅភូមិជាមួយ បានរបូតគល់ភ្លៅ និងកំភួនជើងដៃជាច្រើនកន្លែង បានស្លាប់ ខណ:បញ្ជូនទៅមន្ទីរពេទ្យ។

ប្រភពពីកន្លែងកើតហេតុបានឲ្យដឹងទៀតថា មុនពេលកើតហេតុគេឃើញ អ្នក​ទាំង០៣​ បើកម៉ូតូម៉ាកសង់សេ១២៥ ពណ៌ខ្មៅ ពាក់ស្លាកលេខភ្នំពេញ 1FX-6970 ស៊េរីឆ្នាំ២០១៦ ឌុបគ្នា៣នាក់ក្នុងទិសដៅពីលិចមកកើតមកពី7NG ខណ:ចេញពីជប់លៀងចាក់ផ្លូវបីតុងរួច ដោយមានសភាពស្រវឹងផងនោះ បើកក្នុងល្បឿនលឿនដូចហោះ ពេលមកដល់ចំនុចកើតហេតុ បានជ្រុលចង្កូតមកជញ្ចើមផ្លូវខាងជើងផុតគំនូសសរ ហើយស្របពេលរថយន្តមួយគ្រឿងម៉ាកឡិចស៊ីស៣០០ ពណ៌ទឹកប្រាក់ ពាក់ស្លាកលេខភ្នំពេញ2AF-1907 បើកដោយឈ្មោះ ពេជ្យ ណុប ភេទប្រុស អាយុ២៨ឆ្នាំមានទីលំនៅ​ខណ្ឌទួលគោក រាជធានីភ្នំពេញ និងនាក់រួមដំណើរ០៤នាក់ទៀត តែរត់អស់០៣នាក់ នៅ០២នាក់ ​ដោយ​បើកក្នុងទិសដៅបញ្ច្រាសគ្នា បណ្ដាលឲ្យ​បុកយ៉ាងពេញទំហឹង ផ្លោងម៉ូតូហោះចូលទឹក និងប៉ើងមនុស្ស២នាក់ធ្លាក់ពីលើផ្លូវ និងម្នាក់ទៀតខ្ទាតមកជញ្ចើមផ្លូវ។

ក្រោយពេលកើតហេតុភ្លាមៗ គេឃើញឡានពេទ្យពីរគ្រឿងបានទៅដឹកជនរងគ្រោះជាបន្តរបន្ទាប់។ នៅព្រឹកទី២៨កក្កដានេះ លោក ស៊ឹម កុសល អធិការស្រុកពារាំង បានឲ្យដឹងថា អ្នក​ទាំង២នាក់ដែលឃាត់ខ្លួន​កាលពីយប់មិញនោះ បានឲ្យទៅផ្ទះវិញហើយ ព្រោះមិនមែនជាតៃកុងទេ។ ករណីនេះផងដែរ សមត្ថកិច្ចបានចុះធ្វើការវាស់វែង និងប្រមូលវត្ថុតាងទាំងម៉ូតូ និងរថយន្តយកមករក្សាទុកនៅអធិការដ្ឋានរង់ចាំការ​ដោះស្រាយតាមនិតិវិធី៕

photo_2016-07-28_13-59-53 (2) photo_2016-07-28_13-59-52 photo_2016-07-28_13-59-50 photo_2016-07-28_13-59-51 photo_2016-07-28_13-59-53 photo_2016-07-28_13-59-54

មតិយោបល់