ភ្នំពេញៈ ចាប់ពីម៉ោង៨ព្រឹក ដល់៧យប់ ពីថ្ងៃទី២៨ ដល់ថ្ងៃទី៣១ ខែកក្កដា ឆ្នាំ២០១៦ ក្រុមហ៊ុនសែលកាត ផ្ដល់ជូនសាធារណជននូវឱកាសទទួលបានការបញ្ចុះតម្លៃរហូតដល់៥០% សម្រាប់រាល់ការជាវស្មាតហ្វូន ដែលអ្នកប្រាថ្នាចង់បាន លេខទូរស័ព្ទពិសេសៗ កញ្ចប់គម្រោងឥតគិតថ្លៃ និងកាដូជាច្រើនទៀត នៅមុខស្ថានីយទូរទស្សន៍ស៊ីធីអិន ស្ថិតនៅតាមបណ្ដោយផ្លូវជាតិលេខ៥។

ព្រឹត្តិការណ៍ពិព័រណ៌ទូរស័ព្ទទំនើបធំបំផុតរបស់សែលកាត រយៈពេល៤ថ្ងៃនេះ នឹងមានបញ្ហាញជូននូវប្រភេទស្មាតហ្វូនម៉ាកល្បីៗ ទំនើបចុងក្រោយបំផុត រួមមាន LG Nokia Oukitel InFocus Philips Singtech Blackview Xiaomi Camfone និង Meizu។

នាយកប្រតិបត្តិក្រុមហ៊ុនសែលកាត លោក អៀន វ៉ាតសុន ឲ្យដឹងថា “ពិព័រណ៌ទូរស័ព្ទទំនើបរបស់យើងរៀបចំឡើង ដើម្បីផ្ដល់នូវលទ្ធភាពដល់ប្រជាជនខ្មែរ ឲ្យទទួលបាននូវបទពិសោធដ៏អស្ចារ្យ ពីការប្រើប្រាស់ប្រព័ន្ធប្រតិបត្តិការ 4G LTE ដែលក្រុមហ៊ុនបានផ្ដល់ជូន តាមរយៈស្មាតហ្វូន 4G ដែលអាចរកទិញបានក្នុងព្រឹត្តិការណ៍នេះស្រាប់”។ លោកបន្តថា ព្រឹត្តិការណ៍នេះ នឹងផ្ដល់ជូននូវអ្វីដែលពិសេសដល់អតិថិជនគ្រប់គ្នាសមស្របទៅតាមថវិកាដែលជាការផ្ដល់ជូនពីក្រុមហ៊ុនដៃគូចូលរួមរបស់ខ្លួន នូវប្រភេទទូរស័ព្ទមានគុណភាពល្អ ក្នុងតម្លៃសមរម្យបំផុត។ ជាមួយការបន្ថែមជូនកញ្ចប់គម្រោងឥតគិតថ្លៃពីសែលកាត អតិថិជនទាំងអស់ នឹងរីករាយជាមយយការចាប់រង្វាន់ ព្រមទាំងបានប្រើប្រាស់ទូរស័ព្ទថ្មីរបស់ខ្លួន ដែលបើកចេញពីប្រអប់ភ្លាមៗ។

ពិព័រណ៌ទូរស័ព្ទពីថ្ងៃទី២៨ ដល់ថ្ងៃទី៣១ ខែកក្កដា ឆ្នាំ២០១៦នេះផងដែរ ក៏មានលក់ទូរស័ព្ទម៉ាកផ្សេងៗទៀត ដូចជា LG G5 SE, Philips V387, CamfoneS2, Blackview V2, InFocus M810 និង Singtech Infinity L2។ ក្រៅពីអាចរកទិញនូវម៉ូដែលស្មាតហ្វូនដែលមានការបញ្ចុះតម្លៃរហូតដល់៥០%នោះ ព្រឹត្តិការណ៍នេះ ក៏មានផ្ដល់ជូននូវស៊ីមសែលកាត លេខពិសេសៗក្នុងតម្លៃដ៏ទាក់ទាញ ដោយមានភ្ជាប់គម្រោងអស្ចារ្យ ១ដុល្លារ=៣០ដុល្លារ ឥតគិតថ្លៃ កាដូផ្សេងៗ និងឱកាសឈ្នះរង្វាន់ដ៏អស្ចារ្យជាច្រើនពីកម្មវិធីចាប់រង្វាន់ផងដែរ៕