ព័ត៌មានជាតិ

កម្លាំង​នគរបាល​ឃាត់ខ្លួន​បុរស​ម្នាក់​ ករណី​ហិង្សា​ដោយ​ចេតនា​ ជេរ​ប្រមាថ​ និង​គំរាម​ថា​សម្លាប់​ (​ថត​ជា​វី​ដេ​អូ​ និងសារ​សម្លេង​ផ្ញើ​តាម​ Messager​ Facebook)

​ភ្នំពេញ:​ ជនសង្ស័យ​ម្នាក់​ ត្រូវ​បាន​កម្លាំង​នគរបាល​ខណ្ឌដង្កោ​ ស្រាវជ្រាវ​ឃាត់ខ្លួន​ ករណី​ប្រព្រឹត្ត​អំពើ​ ហិង្សា​ដោយ​ចេតនា​ ជេរ​ប្រមាថ​ និង​គំរាម​ថា​សម្លាប់​ (​ថត​ជា​វី​ដេ​អូ​ និសារ​សម្លេង​ផ្ញើ​តាម​ Messager​ Facebook)​។​ ការ​ឃាត់ខ្លួន​ជនសង្ស័យ​ខាងលើ​បាន​ធ្វើ​ឡើង​កាលពី​ថ្ងៃ​ទី​១១​ ខែកុម្ភ:​ ឆ្នាំ​២០២០​ វេលា​ម៉ោង​ ១១​និង​៥០​នាទី​ ស្ថិត​នៅ​ភូមិ​រលួស​ សង្កាត់​ជើងឯក​ ខណ្ឌដង្កោ​ រាជធានី​ភ្នំពេញ​។​

​ជន​រង​គ្រោះ​ចំនួន​ ០៣​នាក់​៖​
​១-​ឈ្មោះ​ វង្ស​ ស្រី​ឡែ​ន​ ភេទ​ស្រី​ អាយុ​ ២៩​ឆ្នាំ​ មុខរបរ​ជា​អ្នកគ្រប់គ្រង​អង្គការ​ Living​ Field​ ស្នាក់​នៅ​ភូមិ​លេខ​១០​ សង្កាត់​ទឹកល្អក់​៣​ ខណ្ឌទួលគោក​ រាជធានី​ភ្នំពេញ​។​
​២-​ឈ្មោះ​ SEVIL​ OGUZ​ ភេទ​ស្រី​ អាយុ ​៤១​ឆ្នាំ​ មុខរបរ​ប្រធាន​អង្គការ​ living​ field​ ស្នាក់​នៅផ្ទះ​លេខ​12D​ ផ្លូវ​លេខ​308​ សង្កាត់​ទន្លេបាសាក់​ ខណ្ឌចម្ការមន​ រាជធានី​ភ្នំពេញ​ ជនជាតិ​ទួ​រ​គី​។​
​៣-​ឈ្មោះ​ វឿ​ន​ សំណាង​ ភេទ​ស្រី​ អាយុ ​០៦​ឆ្នាំ​ (​ត្រូវជា​កូនស្រី​បង្កើត​របស់​ជនសង្ស័យ​)​។​

​ជនសង្ស័យ​ឈ្មោះ​ សេង​ វឿ​ន​ ភេទ​ប្រុស​ អាយុ​ ២៩​ឆ្នាំ​ មុខរបរ​កម្មករ​សំណង់​ ស្នាក់​នៅ​ភូមិ​រលួស​ សង្កាត់​ជើងឯក​ ខណ្ឌដង្កោ​ រាជធានី​ភ្នំពេញ​​។​

​វត្ថុ​តាង៖ ឃ្លី​ប​វី​ដេ​អូ​សកម្មភាព​របស់​ជនសង្ស័យ​។​

ដំណើររឿង៖ កាលពី​ថ្ងៃ​ទី​១១​ ខែកុម្ភ:​ ឆ្នាំ​២០២០​ វេលា​ម៉ោង​ ១និង​៥៨​នាទី​ ជន​រង​គ្រោះ​ឈ្មោះ​ SEVIL​ OGUZ​ ភេទ​ស្រី​ អាយុ​ ៤១​ឆ្នាំ​ ជា​ប្រធាន​អង្គការ​ Living​ Fields​ កំពុង​តែ​នៅផ្ទះ​លេខ​១២D​ ផ្លូវ​លេខ​៣០៨​ សង្កាត់​ទន្លេបាសាក់​ ខណ្ឌ​ ចម្ការមន​ រាជធានី​ភ្នំពេញ​ ស្រាប់តែ​ជនសង្ស័យ បាន​ប្រើ​គណនី​ Facebook​ ឈ្មោះ​ ឡុ​ង​ ស្នា​ ផ្ញើ​សារ​វី​ដេ​អូ​ និង​សារ​សម្លេង​ សកម្មភាព​របស់​គាត់​ (​សេង​ សា​វឿ​ន​)​ ប្រើ​ហិង្សា​លើ​ក្មេង​ស្រី​ឈ្មោះ​ វឿ​ន​ សំណាង​ ហើយ​សារ​នោះ​និយាយ​ជា​ភាសា​ខ្មែរ​ តែ​ជន​រង​គ្រោះ​ឈ្មោះ​ SEVIL​ OGUZ​ ស្តាប់​ពុំ​យល់​ ដោយសារ​គាត់​ ពុំ​ចេះ​ភាសា​ខ្មែរ​ រួច​ក៏​បាន​ផ្ញើ​សារ​ទាំងនោះ​ទៅ​ឲ្យជន​រង​គ្រោះ​ ឈ្មោះ​ វង្ស​ ស្រី​ឡែ​ន​ ភេទ​ស្រី​ អាយុ​ ២៩​ឆ្នាំ​ ដើម្បី​បកប្រែ​ឲ្យស្តាប់​។​ បន្ទាប់​ពី​ជន​រង​គ្រោះ​ឈ្មោះ​ វង្ស​ ស្រី​ឡែ​ន​ បាន​មើល​វី​ដេ​អូ​ និង​ស្តាប់​សារ​សម្លេង​ ឃើញ​ថា​ ជនសង្ស័យ​បាន​ទះកំផ្លៀង​ និង​វ៉ៃ​ក្បាល​ ក្មេង​ស្រី​រង​គ្រោះ​ឈ្មោះ​ វឿ​ន​ សំណាង​ ជា​ច្រើន​ដៃ​ រួច​ជេរ​ប្រមាថ​ជន​រង​គ្រោះ​ឈ្មោះ​ SEVIL​ OGUZ​ និង​ជន​រង​គ្រោះ​ឈ្មោះ​ វង្ស​ ស្រី​ឡែ​ន​ ថា​មី​ចោរ​អា​យះ​ឆ្លិ​ញ​ កុំ​មើលងាយ​អញ​ពេក​ ង៉ែ​ង​កុំ​យក​អ្នកបកប្រែ​ក​ មក​មើលងាយ​អញ​ ង៉ែ​ង​ទៅ​ជួយ​ក្តួ​យ​ម៉ែ​ង៉ែ​ង​ ជួយ​ជាតិ​ង៉ែ​ង​ទៅ​ មិនបាច់​ជួយ​អញ​ទេ​ ទៅ​ជួយ​ក្តួ​យ​ម៉ែ​ជីដូន​ជីតា​ម៉ែ​អាណា​ក៏​ដោយ​ ឈប់រ​វីរ​វល់​ជាមួយ​គ្រួសារ​អញ​ទៀត​​ និង​ផ្ញើ​សារ​ជា​សម្លេង​ទៀត​ថា​ ផ្ញើ​ជូន​អ្នកបកប្រែ​ង៉ែ​ង​ផង​ កុំ​ពុក​រលួយ​ខ្លាំង​ពេក​ ឲ្យធ្វើ​ម៉ា​គ្រប់​ចប់​ហ្នឹង​ ប្រញាប់​ងាប់​ស្អែក​ ខាន់ស្អែក​មែន​ ផ្ទេរ​ទ្រព្យសម្បត្តិ​ឲ្យកូន​អញ​ចឹ​ង​ ហើយ​ង៉ែ​ង​យក​អ្នកបកប្រែ​មកពីណា​ អ្នកបកប្រែ​ង៉ែ​ង​បន់​ឲ្យង៉ែ​ង​ងាប់​ចឹ​ង​ហ្មង​ ម៉េច​!​ គិត​ថា​ កូន​អញ​ទៅ​ហ្នឹង​ អញ​ប្រមូល​ទ្រព្យសម្បត្តិ​ពី​ង៉ែ​ង​មែន​?​ និង​សារ​ជេរ​ប្រមាថ​គំរាម​ សម្លាប់​ជន​រង​គ្រោះ​ឈ្មោះ​ SEVIL​ OGUZ​ និង​ឈ្មោះ​ វង្ស​ ស្រី​ឡែ​ន​ ថែម​ទៀត​ថា​ មី​បក​ហ្នឹង​ប្រយ័ត្ន​រលួយ​ ស៊ី​ទាំង​ខ្លួន​ ហើយ​នូវ​ពាក្យ​សំដី​អសុរ​ស​ជា​ច្រើន​ទៀត​ ទើប​ជន​រង​គ្រោះ​ឈ្មោះ​ SEVIL​ OGUZ​ និង​ឈ្មោះ​ វង្ស​ ស្រី​ឡែ​ន​ មក​រាយការណ៍​ និង​ដាក់​ពាក្យបណ្តឹង​ នៅ​ប៉ុស្តិ៍​នគរបាល​រដ្ឋបាល​ជើងឯក​ ដើម្បី​ឲ្យសមត្ថកិច្ច​ជួយ​អន្តរាគមន៍​ ឃាត់ខ្លួន​ជនសង្ស័យ​យក​មក​សាកសួរ​តាម​នីតិ​វី​ធី​ច្បាប់​តែ​ម្តង​។​

ក្រោយ​ពី​សាកសួរ​ជនសង្ស័យ​បាន​ឆ្លើយ​សារភាព​ប្រាប់​សមត្ថកិច្ច​ថា​ រូបគេ ​(​ជនសង្ស័យ​)​ ពិតជា​បាន​ប្រើ​អំពើ​ហិង្សា​ទៅ​លើ​កូនស្រី​ឈ្មោះ​ វឿ​ន​ សំណាង​ អាយុ​០៦​ឆ្នាំ​ និង​ជេរ​ប្រមាថ​ជន​រង​គ្រោះ​ទាំង​០២​នាក់​ខាងលើ​ ហើយ​ថត​ជា​វី​ដេ​អូ​ និង​សារ​សម្លេង​ផ្ញើ​ទៅឲ្យ​ជន​រង​គ្រោះ​ឈ្មោះ​ SEVIL​ OGUZ​ ប្រាកដ​មែន​ ដោយសារ​ រូបគេ​ (​ជនសង្ស័យ​)​ ខឹង​ជន​រង​គ្រោះ​ឈ្មោះ​ វង្ស​ ស្រី​ឡែ​ន​ ដែល​ជា​អ្នកគ្រប់គ្រង​អង្គការ​ Living​ Fields​ បាន​ប្រើ​រូបគេ​ (​ជនសង្ស័យ​)​ ទៅ​ធ្វើ​លិខិត​ផ្លាស់​ប្តូរ​ទីលំនៅ​ពី​ភូមិ​កណ្តាល​ ឃុំ​សណ្តារ​ ស្រុក​លើក​ដែក​ ខេត្តកណ្តាល​ មក​រស់នៅ​ភូមិ​រលួស​ សង្កាត់​ជើងឯក​ ខណ្ឌដង្កោ​ រាជធានី​ភ្នំពេញ​ វិញ​ម្តង​។​ ប៉ុន្តែ​ជន​រង​គ្រោះ​ឈ្មោះ​ វង្ស​ ស្រី​ឡែ​ន​ មិន​បាន​ប្រាប់​រូបគេ​ (​ជនសង្ស័យ​)​ ឲ្យបានដឹង​ជា​មុន​ ហើយ​មិន​បាន​ផ្ញើ​លុយ​ឲ្យ​រូបគេ​ (​ជនសង្ស័យ​)​ សម្រាប់​យក​ទៅ​ចែកចាយឲ្យ​បងប្អូន​ម៉ែឪ​នៅ​ ស្រុក​កំណើត​ ឲ្យ​តែ​លុយ​សម្រាប់​ធ្វើ​សោហ៊ុយ​ទៅ​មក​ និង​ចំណាយ​ទៅ​លើ​ឯកសារ​ផ្សេងៗ​ ទើប​រូបគេ​ (​ជនសង្ស័យ​)​ ខឹង​ ក៏​បានឲ្យ​អង្គការ​ផ្ញើ​កូនស្រី​ឈ្មោះ​ វឿ​ន​ សំណាង​ មក​រូបគេ​វិញ​ ហើយ​អង្គការ​ក៏​បាន​យក​កូនស្រី​ឈ្មោះ​ វឿ​ន​ សំណាង​ យក​មក​ប្រគល់​ឲ្យ​រូបគេ​ (​ជនសង្ស័យ​)​ តាម​ការ​ទាមទារ​ ហើយ​រូបគេ​(​ជនសង្ស័យ​)​ ក៏​បាន​ធ្វើ​សកម្មភាព​វ៉ៃ​កូនស្រី​ឈ្មោះ​ វឿ​ន​ សំណាង​ អាយុ​០៦​ឆ្នាំ​ និង​ជេរ​ប្រមាថ​ជន​រង​គ្រោះ​ទាំង​០២​នាក់​ខាងលើ​ហើយ​ថត​ជា​វី​ដេ​អូ​ និង​សារ​សម្លេង​ផ្ញើ​ទៅ​ឱ្យ​ជន​រង​គ្រោះ​ឈ្មោះ​ SEVIL​ OGUZ​ តែ​ម្តង​។​

​បច្ចុប្បន្ន​ជនសង្ស័យ​កំពុង​ឃាត់ខ្លួន​បណ្តោះអាសន្ន​ នៅ​អធិការដ្ឋាន​នគរបាល​ខណ្ឌដង្កោ​ ដើម្បី​កសាង​សំណុំរឿង​បញ្ជូន​ទៅ​តុលាការ​ចាត់ការ​តាម​នីតិវិធី​៕

មតិយោបល់