ភ្នំពេញៈ ស្នូរគ្រាប់ភ្លើងបានផ្ទុះឡើងផ្ទាន់ៗគ្នា នៅក្នុងភូមិកាកាប សង្កាត់កាកាប ខណ្ឌពោធិ៍ជ័យ រាជធានីភ្នំពេញ កាលពីវេលាម៉ោង១០៖៣០នាទីយប់ ថ្ងៃទី៣០ ខែកក្កដា ឆ្នាំ២០១៦ បន្ទាប់ពីមានយុវជន០២នាក់ បានជិះម៉ូតូមួយគ្រឿង ហើយបានបាញ់ ដើម្បីពញ្ញាក់អារម្មណ៍ទៅដល់សមត្ថកិច្ច បើតាមការលើកឡើងរបស់ពលរដ្ឋដែលធ្វើដំណើរនៅក្បែរនោះ។
បើតាមប្រជាការពារភូមិបានឲ្យដឹងថា នៅមុនពេលកើតហេតុ មានម៉ូតូមួយគ្រឿងម៉ាកសង់សេ១២៥ មិនចាំស្លាកលេខ ជិះគ្នាពីរនាក់ជាក្មេងស្ទាវ បានដកកាំភ្លើងខ្លីមួយដើម ពណ៌ស មិនស្គាល់ម៉ាក បានបាញ់ឡើងទៅលើចំនួនបីគ្រាប់ តែមិនបណ្តាលឲ្យមានមនុស្សរងរបួសនោះទេ ក្រោយពីបាញ់រួចពួកក្មេងទំនើងទាំងពីរនាក់បានជិះយ៉ាងលឿនគេចខ្លួនបាត់ស្រមោលតែម្ដង៕
មតិយោបល់