ផ្ទះ ព័ត៌មានជាតិ រន្ធត់! បុរសម...

រន្ធត់! បុរសម្នាក់បើកម៉ូតូវ៉ាជែង ជ្រុលទៅបុករថយន្តកូរ៉េហើយខ្ទាតចូលក្រោមរថយន្តHYUNDAI បណ្ដាលឲ្យស្លាប់ម្នាក់និងរបួសធ្ងន់ម្នាក់

0

កណ្តាល: កាលពីថ្ងៃ២៣ ខែកុម្ភ: ឆ្នាំ២០២០ វេលាម៉ោង ​៩ និង​ ៣០នាទី មានករណីគ្រោះថ្នាក់ចរាចរណ៍មួយកើតឡើង លើផ្លូវជាតិលេខ០១ ចន្លោះគីឡូម៉ែត្រ ៥១-៥២ ស្ថិតភូមិគគីរធំ២ ឃុំគគីរធំ ស្រុកកៀនស្វាយ ខេត្តកណ្តាល ។

ដំណើររឿង៖ នៅវេលាម៉ោងកើតហេតុមានម៉ូតូ១គ្រឿងម៉ាក HONDA DREAM សេ១២៥ ពណ៍ខ្មៅ ពាក់ផ្លាកលេខ ស្វាយរៀង 1M -5914 បើកបរដោយឈ្មោះ អៀម សំណាង ភេទប្រុស អាយុ ២៣ ឆ្នាំ ជនជាតិខ្មែរ មានទីលំនៅភូមិព្រៃទទឹង ឃុំសំបួរ ស្រុកស្វាយទៀប ខេត្តស្វាយរៀង មុខរបរ កម្មកររោងចក្រ
រួមដំណើរដោយឈ្មោះ មុត សុរុណា ភេទប្រុស អាយុ ២៦ ឆ្នាំ ជនជាតិខ្មែរ រស់នៅភូមិព្រៃញ៉យ ឃុំខ្សែត ស្រុកកំពង់រោទ៍ ខេត្តស្វាយរៀង ទិដដៅពីអ្នកលឿងទៅភ្នំពេញ តាមផ្លូវជាតិលេខ០១ ខណ:មកដល់ចំណុចខាងលើបានវ៉ាជែងរថយន្តម៉ាក HYUNDAI ពណ៌ស ប្រភេទសណ្តោង ពាក់ផ្លាកលេខ កំពង់ចាម 3A-8161 សណ្តោងសឺមីរ៉ឺម៉ក ពាក់ស្លាកលេខ កំពង់ចាម 4A-0634 ទិសដៅស្របគ្នា ក៏បុកជាមួយរថយន្ត កូរ៉េ មិនស្គាល់អត្តសញ្ញាណ បើកបញ្ច្រាសទិសគ្នា រួចដួលខ្ទាតមកខាងស្តាំដៃ ចូលក្រោមរថយន្តខាងលើបណ្តាលឲ្យស្លាប់នឹងកន្លែងកើតហេតុ ចំណែករួមដំណើររបួសធ្ងន់ បញ្ជូនទៅព្យាបាលនៅមន្ទីពេទ្យភ្នំពេញ។ បន្ទាប់មករថយន្តបង្កបើកគេច ខ្លួនឆ្ពោះទៅភ្នំពេញ តែមានអ្នកដំណើរឃើញហេតុការជិះដេញតាម ដល់ឃុំភូមិធំស្រុកកៀនស្វាយ ខេត្តកណ្តាលទើបឃាត់រថយន្តនោះបាន រីឯអ្នកបើកបរ រថយន្តរត់គេចខ្លួនបាត់ស្រមោល។

ក្រោយកើតេហតុ សមត្ថកិច្ចបានចុះដល់ទីតាំង ធ្វើការវាស់វែងយកវត្ថុតាងទៅរក្សាទុកនៅអធិការដ្ឋាននគរបាល ដើម្បីដោះស្រាយគ្នាតាមច្បាប់ ចំណែកសពជនរងគ្រោះប្រគល់ឲ្យគ្រួសារយកទៅធ្វើបុណ្យតាមប្រពៃណី៕

មតិយោបល់