ភ្នំពេញៈ នារីវ័យក្មេងម្នាក់រងរបួសធ្ងន់ សន្លប់ស្តូកស្តឹង ក្នុងហេតុការណ៍គ្រោះថ្នាក់ចរាចរណ៍ រវាងម៉ូតូស្កុបពីបើកបុកជាមួយម៉ូតូសេ១២៥ បើកច្រាសទិសកាលពីវេលាម៉ោង ៤និង៥០នាទីល្ងាចថ្ងៃទី២៩ ខែកុម្ភៈ ឆ្នាំ២០២០ នៅលើផ្លូវជាតិលេខ៣ ភូមិព្រៃព្រីងត្បូង២ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ។

តាមប្រភពនៅកន្លែងបានឲ្យដឹងថា មុនកើតហេតុ ភាគីម៉ូតូស្កុបពី ជិះដោយនារីរងគ្រោះ ធ្វើដំណើរពីត្បូងទៅជើង ដល់ចំណុចខាងលើឆ្លងផ្លូវ ត្រូវបានភាគីម៉ូតូ ហុងដា សេ១២៥ បើកពីជើងទៅត្បូងល្បឿនលឿនជ្រុលទៅបុក បណ្តាលឲ្យរងរបួសធ្ងន់ម្នាក់ ស្រាលម្នាក់ ។

ក្រោយកើតហេតុនារីរងគ្រោះត្រូវបានរថយន្តសង្គ្រោះរបស់អង្គភាព៧១១ ដឹកបញ្ជូនទៅមន្ទីរពេទ្យព្រះកុសុមៈ ចំណែកឯម៉ូតូទាំង ២គ្រឿង សមត្ថកិច្ចវាស់វែងរួចយកទៅរក្សាទុក នៅផ្នែកជំនាញខណ្ឌរង់ចាំដោះស្រាយពេលក្រោយ ៕