មិនរាងចាល! ក្រុមជនសង្ស័យ ៣ នាក់ សម្ងំជក់ថ្នាំញៀន នៅរោងអ្នកតាចិន ត្រូវសមត្ថកិច្ចឃាត់បានម្នាក់

កណ្តាលៈ យុវជនម្នាក់ ត្រូវសមត្ថកិច្ចឃាត់ខ្លួន ក្នុងចំណោមបក្ខពួក ៣នាក់ ករណីជួញដូរដោយខុសច្បាប់នូវសាធាតុញៀន (ម៉ាទឹកកក) កាលពីថ្ងៃទី០១ ខែមីនា ឆ្នាំ ២០២០ វេលាម៉ោង១៩ និង៥៦នាទី ត្រង់ចំណុចទីបញ្ចុះសព ស្ថិតភូមិខ្លាកូន ឃុំពើក ស្រុកអង្គស្នួល ខេត្តកណ្តាល ។

ជនសង្ស័យទី១-ឈ្មោះ រស់ សូ ភេទប្រុស អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិខ្លាកូន ឃុំពើក ស្រុកអង្គស្នួល ខេត្តកណ្តាល (ឃាត់ខ្លួន)។ ធ្លាប់ជាប់ពន្ធនាគានៅខេត្តកណ្តាល១ឆ្នាំកន្លះ ពីបទប៉ុនប៉ងប្រើប្រាស់ ដោយខុសច្បាប់នៅសារធាតុញៀន។ ចំណែកទី២-ឈ្មោះ រស់ តុង ភេទប្រុស អាយុ២៦ឆ្នាំ ជនជាតិខ្មែរ មុខរបរលក់សាច់ឆ្កែ មានទីលំនៅភូមិ អង្គស្នួលទី២ ឃុំពើក ស្រុកអង្គស្នួល ខេត្តកណ្តាល។ (គេចខ្លួន) និង៣-ឈ្មោះ សយ ប៉ាលី ហៅកូ ភេទប្រុស អាយុ២៣ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅសព្វថ្ងៃភូមិ ត្រពាំងសុពរ័ ឃុំឆក់ឈើនាង ស្រុកអង្គស្នួល ខេត្តកណ្តាល (គេចខ្លួន)។

វត្ថុតាងដកហូត៖
-ម្សៅក្រាមពណ៌សថ្លា សង្សយ័សារធាតុញៀនចំនួន ០៦កញ្ចប់ (តូច០៤កញ្ចប់ ,ធំ០២កញ្ចប់)។
-ម៉ូតូចំនួន០២គ្រឿង ១-ម៉ាកហុងដាសេ១២៥ ស៊េរី២០១៥ ផ្លាកលេខ ភ្នំពេញ 1FC-1131 ២-ម៉ាក ហុងដាសេ១១០ ផ្លាកលេខ កំពង់ស្ពឺ 1F-2180 ។
-ឧបករណ៍សម្រាប់ប្រើប្រាស់ថ្នាំញៀន និងថង់សម្រាប់វេចខ្ចប់ថ្នាំញៀនមួយចំនួន។

សមត្ថកិច្ច បានឲ្យដឹងថា នៅមុនកើតហេតុ កម្លាំងប៉ុស្តិ៍រដ្ឋបាលពើក បានទទួលព័ត៌មាន ពីមហាជនល្អថា មានមុខសញ្ញា កំពុងប្រើប្រាស់ និងជួញដូរថ្នាំញៀន។ ភ្លាមនោះ កម្លាំងប៉ុស្តិ៍បានសហការ ជាមួយកម្លាំងជំនាញផ្នែកនគរបាលប្រឆាំងគ្រឿងញៀន បានចុះទៅដល់កន្លែងកើតហេតុ ឃើញមុខសញ្ញា ០៣នាក់ កំពុងនៅកន្លែងកើតហេតុ គ្រាប់តែឃើញសមត្ថកិច្ចភ្លាម ជនសង្សយ័ទាំង០៣បានរត់ចេញពីកន្លែងកើតហេតុ បន្សល់ទុកថ្នាំញៀន០៦កញ្ចប់ (តូច០៤ខ្ចប់និងធំ០២កញ្ចប់) ព្រមទាំងថង់វេចខ្ចប់និងឧបករណ៍ មួយចំនួនទៀត។
ពេលនោះកម្លាំងសមត្ថកិច្ច តាមឃាត់ខ្លួនបានម្នាក់ ឈ្មោះ រស់ សូ ចំណែក០២នាក់ ទៀត គេចខ្លួន។

តាមចម្លើយសារភាពរបស់ជនសង្ស័យឈ្មោះ រស់ សូ បានឆ្លើយថា ខ្លួនបានជិះម៉ូតូជាមួយឈ្មោះ រស់ តុង ចំណែកឈ្មោះ សយ ប៉ាលី ហៅកូ ជិះម៉ូតូសង់ប៊ិចម្នាក់ឯង គោលបំណងទៅជក់ថ្នាំញៀននៅ ម៉ុងចិន ពេលទៅដល់រោងអ្នកតាចិន ឃើញមានឧបករណ៍ប្រើប្រាស់នៅរោងអ្នកតា ពេលនោះឈ្មោះ រស់ តុង បានដកថ្នាំញៀន០១កញ្ចប់ពីក្នុងហោប៉ៅមកជក់ ស្រាប់តែឈ្មោះ ប៉ាលី ហៅកូ ក៏មកដល់ដែររៀបចំជក់ ក៏ឃើញសមត្ថកិច្ច ជិះម៉ូតូសំដៅមកពួកខ្លួនទាំង០៣នាក់ ទើបនាំគ្នារត់ តែត្រូវសមត្ថកិច្ចឃាត់ខ្លួនបាន ចំណែកឈ្មោះ តុង និងឈ្មោះ ប៉ាលីហៅកូ រត់គេចខ្លួនបាត់។
ជនសង្យ័យឈ្មោះ រស់ សូ បានឆ្លើយសារភាពទៀតថា កន្លងមកខ្លួនធ្លាប់ប្រើប្រាស់ថ្នាំញៀនបានរយៈពេល០១ឆ្នាំមកហើយ ថ្នាំញៀន ដែលទិញមកប្រើប្រាស់កន្លងមកនោះ ខ្លួនបានទិញពីឈ្មោះ រស់ តុង ។

បច្ចុប្បន្នជនសង្ស័យ រួមជាមួយវត្ថុតាង ត្រូវបានបញ្ជូនមកកាន់អធិការដ្ឋាននគរបាលស្រុក ដើម្បីសាកសួរបន្ត និងកសាងសំណុំរឿង ចាត់ការបន្តតាមនីតិវិធីច្បាប់ ៕