កំពង់ធំៈ នៅវេលាម៉ោង០៩ និង១៥នាទីព្រឹកថ្ងៃទី០៩ ខែមីនា ឆ្នាំ២០២០ លើផ្លូវជាតិលេខ៦២ ចន្លោះគីឡូម៉ែត្រលេខ១-២ ភូមិត្រពាំងចំបក់ ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ មានករណីគ្រោះថ្នាក់ចរាចរណ៍ រថយន្តបុកម៉ូតូ ក្នុងទិសដៅផ្ទុយគ្នា បណ្ដាលឲ្យរបួសធ្ងន់បុរសម្នាក់ ខូចខាតរថយន្ត០១គ្រឿង ម៉ូតូ០១គ្រឿង។

រថយន្តម៉ាកហាយទ្បែនឌ័រ ពណ៌ស ផ្លាកលេខ ភ្នំពេញ 2AE-079 ធ្វើដំណើរពីត្បូងទៅជើង បើកបរដោយឈ្មោះ សោម សារ៉ុង ភេទប្រុស អាយុ៦៧ឆ្នាំ មុខរបរធ្វើស្រែ រស់នៅភូមិខ្មាក់ថ្មី ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ (គ្មានរបួស នាំខ្លួនទៅអធិការដ្ឋាននគរបាលស្រុកកំពង់ស្វាយ)។

ចំណែកម៉ូតូម៉ាកហុងដាវេវអាល់ហ្វា ពណ៌ខ្មៅ ផ្លាកលេខគ្មាន (បើកបរទិសដៅពីជើងទៅត្បូង) ដោយឈ្មោះ ម៉េត ម៉ី ភេទប្រុស អាយុ១៧ឆ្នាំ មុខរបរធ្វើស្រែ រស់នៅភូមិថ្នល់បែក ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ (របួសធ្ងន់)(មិនពាក់មួកសុវត្ថិភាព)។

មូលហេតុបឋម៖ បង្កដោយអ្នកបើកបររថយន្ត បើកបរវ៉ាជែងក្នុងស្ថានភាពគ្រោះថ្នាក់ បានរេចង្កូតទៅបុកម៉ូតូ ដែលកំពុងចរាចរក្នុងគន្លងផ្លូវផ្ទុយគ្នា។ ក្រោយកើតហេតុ សមត្ថកិច្ច ចុះវាស់វែង និងយកវត្ថុតាងទៅរក្សាទុក នៅអធិការដ្ឋាននគរបាលស្រុកកំពង់ស្វាយ រង់ចាំដោះស្រាយពេលក្រោយ៕