តាកែវៈ (ព័ត៌មានបឋម) នៅវេលាម៉ោង ២និង៤០នាទីរសៀលថ្ងៃទី៩ ខែមីនា ឆ្នាំ២០២០ ស្ថិតក្នុងភូមិព្រៃភ្ញី ឃុំព្រៃផ្ដៅ ស្រុកព្រៃកប្បាស ខេត្តតាកែវ មានករណីគ្រោះថ្នាក់ចរាចរណ៍ដោយពីរនាក់បងប្អូនបង្កើត ជិះម៉ូតូម៉ាក ហុងដា ឌ្រីម ពណ៌ខ្មៅ ពាក់ផ្លាកលេខ តាកែវ 1N-4401 បើកបរក្នុងល្បឿនកុងទ័រ៦០ ចាប់ហ្រ្វាំងមិនទាន់ជ្រុលបុកឆ្កែរត់ឆ្លងផ្លូវ បណ្ដាលឲ្យរងរបួសធ្ងន់បាក់ធ្មេញអស់៤ និងរលាត់ដៃជើង ក្រោយពេលកើតហេតុ ត្រូវបានប្រជាការពារភូមិ និងសមត្ថកិច្ច ហៅរថយន្តសាមុយ ដឹកយកកទៅសង្គ្រោះនៅមន្ទីរពេទ្យ។

មូលហេតុ៖ បើកបរក្នុងល្បឿនលឿន។

សូមបញ្ជាក់៖ ជនរងគ្រោះធ្វើដំណើរចេញពីស្រុកកំណើត ដើម្បីមកធ្វើការរោងចក្រនៅថ្ងៃស្អែក៕