កណ្តាល: នគរបាលក្រុងតាខ្មៅ ឃាត់ខ្លួនមុខសញ្ញាចែកចាយគ្រឿងញៀនបានម្នាក់ ទាំងកណ្តាលអធ្រាត ខណៈដែលជនសង្ស័យកំពុងចែកចាយគ្រឿងញៀន ។

ហេតុការណ៍ចុះឃាត់ខ្លួន បានធ្វើឡើងកាលពីវេលាម៉ោង ១០និង១០នាទីយប់ ថ្ងៃទី០១ ខែសីហា ឆ្នាំ២០១៦ នៅចំណុចក្បែរសួនច្បារផ្កាឈូក ភូមិតាខ្មៅ សង្កាត់តាខ្មៅ ក្រុងតាខ្មៅ។ ជនសង្សយ័មានឈ្មោះ សាន ឌីណា ភេទប្រុស អាយុ ២៩ឆ្នាំ មានទីលំនៅ ភូមិព្រែកសំរោង សង្កាត់សេរីភាព ក្រុងតាខ្មៅ។

បើតាមអនុសេនីយ៍ឯក ចំរើន បញ្ញា អធិការរងក្រុងតាខ្មៅ បានប្រាប់ឲ្យដឹងថា លោកបានដឹកនាំកម្លាំង និងបញ្ញាផ្ទាល់ឲ្យលោក យាវ រដ្ឋា នាយរងផ្នែកប្រឆាំងបទល្មើសគ្រឿងញៀន នៃអធិការដ្ឋាននគរបាលក្រុងតាខ្មៅ ចុះទៅឃាត់ខ្លួនបានមុខសញ្ញា កំពុងចែកចាយគ្រឿងញៀនបានភ្លាមៗ រួមនិងថ្នាំញៀន ០២កញ្ចប់ ។

បច្ចុបន្បន្នជនសង្ស័យ និងរួមទាំងវត្ថុតាង បានបញ្ជូនមកកាន់អធិការដ្ឋានដើម្បីចាត់ការតាមនិតិវិធីច្បាប់៕