ស្វាយរៀងៈ កាលពីវេលាម៉ោង១៩និង០៥នាទីថ្ងៃថ្ងៃទី១៧ ខែមីនា ឆ្នាំ២០២០ ករណីគ្រោះថ្នាក់ចរាចរណ៍ បណ្តាលឲ្យបុរសម្នាក់ ត្រាក់ទ័រកិនបែកក្បាលស្លាប់ នៅលើផ្លូវលេខ316A ស្ថិតក្នុងភូមិគោកល្វៀង សង្កាត់ព្រៃអង្គុញ ក្រុងបាវិត ខេត្តស្វាយរៀង ។

ជនរងគ្រោះឈ្មោះ សេក វិត ភេទប្រុស អាយុ២៧ឆ្នាំជនជាតិខ្មែរ មានទីលំនៅភូមិ ព្រៃឣង្គុញ សង្កាត់ ព្រៃឣង្គុញ ក្រុងបាវិត ខេត្តស្វាយរៀង បើកបរម៉ូតូមួយគ្រឿង ។

ដំណើររឿង៖ នៅមុនពេលកើតហេតុគេឃើញម៉ូតូជនរងគ្រោះមួយគ្រឿងម៉ាក junter ពណ៌ក្រហម ពាក់ផ្លាកលេខ 61Z4-2839 លុះមកដល់ ចំណុចកើតហេតុ បានបុកត្រាក់ទ័រមួយគ្រឿង ពណ៌ក្រហម ដែលមានទិសដៅស្របនឹងអ្នកបើកបរដោយឈ្មោះ ស៊ុ ណត ភេទប្រុស អាយុ៣២ឆ្នាំ ជនជាតិខ្មែរ មានទីលំនៅភូមិកោះឫស្សី ឃុំទួលស្ដី ស្រុកចន្រ្ទា ខេត្តស្វាយរៀង បណ្តាលឲ្យភាគីខាងម៉ូតូដួលចូលកង់សណ្តោងរ៉ឺម៉កត្រាក់ទ័រ កិនចំក្បាលស្លាប់មួយរំពេច នៅនឹងកន្លែងកើតហេតុតែម្តង ។

ក្រោយកើតហេតុ សមត្ថកិច្ចមូលដ្ឋានចុះវាស់វែងធ្វើកំណត់ហេតុ យកវត្ថុតាងទៅរក្សារទុកជាបណ្តោះអាសន្ន នៅប៉ុស្តិ៍នគរបាលរដ្ឋបាលព្រៃអង្គុញ ដើម្បីកសាងសំណុំរឿងតាមនីតិវិធីផ្លូវច្បាប់ សាកសពជនរងគ្រោះប្រគល់ឲ្យសាច់ញាតិធ្វើបុណ្យតាមប្រពៃណី ៕