ផ្ទះ ព័ត៌មានជាតិ ជនជាតិវៀតណាមម...

ជនជាតិវៀតណាមម្នាក់ ធ្វើសកម្មភាពលួចម៉ូតូ ត្រូវម្ចាស់ឃើញទាន់ ស្រែកឆោទ្បោ ចាប់បានភ្លាមៗ

0

ភ្នំពេញ: កាលពីវេលាម៉ោង ៧និង០០នាទីព្រឹកថ្ងៃទី២១ ខែមីនា ឆ្នាំ២០២០ នៅមុខផ្ទះគ្មានលេខ ភូមិកោះនរា សង្កាត់និរោធ ខណ្ឌច្បារអំពៅ មានករណីលួចម៉ូតូ។

ជនរងគ្រោះឈ្មោះសៅ សោភ័ណ្ឌ ភេទ សរី អាយុ២៩ឆ្នាំ ជនជាតិខ្មែរ មុខរបរកម្មករ រោងចក្រកាត់ដេរ ស្នាក់នៅភូមិ-សង្កាត់កើតហេតុ។

ជនសង្ស័យឃាត់ខ្លួន ឈ្មោះ តាំង សុធា ភេទប្រុស អាយុ២៧ឆ្នាំ ជនជាតិវៀតណាម មុខរបរ មិនពិតប្រាកដ ស្នាក់នៅភូមិកណ្តាល សង្កាត់ច្បារអំពៅ២ ខណ្ឌច្បារអំពៅ។

ដំណើររឿង៖ មុនកើតហេតុជនរងគ្រោះ បានទុកម៉ូតូម៉ាកហុងដាសេ១២៥ ពណ៌ខ្មៅ ផ្លាកលេខ ភ្នំពេញ ១HO-៥២៣៤ ត្រង់ចំណុចកើតហេតុ ដោយទុកកូនសោជាប់នឹងម៉ូតូ រួចដើរចូលទៅទិញទឹកកក ស្រាប់តែមានជនសង្ស័យ០២នាក់ ឈ្មោះ តាំង សុធា និងឈ្មោះរតនា ជិះម៉ូតូម៉ាក ហុងដាសេ១២៥ ពណ៌ខ្មៅ មិនចាំផ្លាកលេខ មកឈប់ក្បែរ រួចជនសង្ស័យឈ្មោះ តាំង សុធា ដើរមកលួចម៉ូតូជនរងគ្រោះជិះគេចខ្លួន ភ្លាមៗនោះ ជនរងគ្រោះឃើញ ក៏ស្រែកចោរៗ ហើយអ្នកជិតខាងក៏នាំគ្នា ចាប់ជនសង្ស័យបានម្នាក់ ឈ្មោះ តាំង សុធា រួមនឹងវត្ថុតាងម៉ូតូ០១គ្រឿង ជារបស់ជនរងគ្រោះ ប្រគល់ឲ្យសមត្ថកិច្ច ចាត់ការតាមច្បាប់៕

មតិយោបល់