ខេត្តកំពង់ស្ពឺ: យោងតាមផេកការិយាល័យផ្សព្វផ្សាយ តាមបណ្តាញសង្គម បានឲ្យដឹងថា ក្រោមកិច្ចដឹកនាំដ៏ខ្ពង់ខ្ពស់ ពីលោកឧត្ដមសេនីយ៍ទោ សម សាមួន ស្នងការ នគរបាលខេត្តកំពង់ស្ពឺ និងបានការសហការសម្របសម្រួលពីស្ថាប័នអយ្យការ សមត្ថកិច្ចនគរបាលអធិការ ក្រុង ស្រុក បន្ដស្រាវជ្រាវបង្រ្កាប ជនសង្ស័យពាក់ព័ន្ធករណីប្រើប្រាស់ រក្សាទុក ជួញដូរសារធាតុញៀនខុសច្បាប់ “ គ្រឿងញៀន “ ជាលទ្ធផល ដូចខាងក្រោម ៖
១/នៅថ្ងៃទី ១៧ ខែមីនា ឆ្នាំ២០២០ វេលាម៉ោង ១៤ និង០០នាទី នៅចំណុចភូមិតាលីញ ឃុំក្សេមក្សាន្ដ កម្លាំងអធិការដ្ឋាននគរបាលស្រុកឧដុង្គ បង្ក្រាបមុខសញ្ញាសង្ស័យបាន ៣នាក់ ៖ ១-ឈ្មោះ រឹម រិន ហៅ ក្ដាន់ ភេទប្រុស អាយុ ៣៥ឆ្នាំ ២-ឈ្មោះ មិត្ត គីមសេង ភេទប្រុស អាយុ ២៣ឆ្នាំ ទាំង២នាក់នៅភូមិតាលីញ ឃុំក្សេមក្សាន្ដ ស្រុកឧដុង្គ ៣-ឈ្មោះ សួន សុខឃីម ភេទប្រុស អាយុ ១៨ឆ្នាំ នៅភូមិស្រែតាមែង ឃុំទំនប់ធំ ស្រុកពញាឮ ខេត្តកណ្ដាល ។
ដកហូតម្សៅក្រាមពណ៌សថ្លា សង្ស័យជាគ្រឿងញៀន ៦កញ្ចប់, ទូរស័ព្ទដៃ ២គ្រឿង, ដាវ ១ រួមនឹងឧបករណ៍ ប្រើប្រាស់គ្រឿងញៀនមួយចំនួន។
២/នៅថ្ងៃទី ១៨ ខែមីនា ឆ្នាំ២០២០ វេលាម៉ោង ១៧ និង០០នាទី នៅចំណុចភូមិត្រពាំងល្ពាក់ ឃុំត្រាចទង កម្លាំងអធិការដ្ឋាននគរបាលស្រុកឧដុង្គ បង្ក្រាបមុខ ស ញ្ញាសង្ស័យបាន ៤នាក់ ៖ ១-ឈ្មោះ ឈឿន ចាន់នៀង ភេទប្រុស អាយុ ១៨ឆ្នាំ ២-ឈ្មោះ ហុំ ទៃ ភេទប្រុស អាយុ ២០ឆ្នាំ ទាំង២នាក់នៅភូមិត្រពាំ ងល្ពាក់ ឃុំត្រាចទង ស្រុកឧដុង្គ ៣-ឈ្មោះ ខុម ទូច ភេទប្រុស អាយុ ៣៦ឆ្នាំ ៤-ឈ្មោះ ពន្លឺ រ៉ាមុន ភេទប្រុស អាយុ ២០ឆ្នាំ ទាំង២នាក់នៅភូមិត្រពាំ ងលើក ឃុំត្រាចទង ស្រុកឧដុង្គ ។
ដកហូតម្សៅក្រាមពណ៌សថ្លាសង្ស័យជាគ្រឿង ញៀន ២១កញ្ចប់ , ទូរស័ព្ទដៃ ៥ គ្រឿងនិង ស្លាបព្រាកែច្នៃសម្រាប់ចូកច្រកគ្រឿងញៀន ០១។
៣/នៅថ្ងៃទី ២០ ខែមីនា ឆ្នាំ២០២០ វេលាម៉ោង ១០ និង៥០នាទី នៅចំណុចភូមិក្រាំងពលទេព សង្កាត់រកាធំ កម្លាំងអធិការដ្ឋាននគរបាលក្រុងច្បារមន បង្ក្រាបមុខសញ្ញាសង្ស័យបាន ២នាក់ ៖ ១-ឈ្មោះ សុខ មេសា ហៅ ប៉ះ ភេទប្រុស អាយុ ២៦ឆ្នាំ នៅភូមិស្នោរទី១ សង្កាត់រកាធំ ក្រុងច្បារមន ២-ឈ្មោះ សុខ ចម្រើន ហៅ ម៉ឺន ភេទប្រុស អាយុ ១៦ឆ្នាំ នៅភូមិត្រាច ឃុំកាហែង ស្រុកសំរោងទង។
ដកហូតម្សៅក្រាមពណ៌សថ្លា សង្ស័យជាគ្រឿងញៀន ១០កញ្ចប់ និងទូរស័ព្ទដៃ ៥ គ្រឿង។
៤/នៅថ្ងៃទី ២១ ខែមីនា ឆ្នាំ២០២០ វេលាម៉ោង ១៤ និង៣០នាទី នៅចំណុចភូមិតាំងស្រឡៅ ឃុំតាំងស្យា កម្លាំងអធិការដ្ឋាននគរបាលស្រុកភ្នំស្រួច បង្ក្រាបមុខសញ្ញាសង្ស័យបាន ២នាក់ ៖ ១-ឈ្មោះ ម៉ាន់ សុគង់ ភេទប្រុស អាយុ ៣៦ឆ្នាំ នៅភូមិក្អែកពង ឃុំតាំងស្យា ស្រុកភ្នំស្រួច ២-ឈ្មោះ បូ សម្បត្តិ ហៅ គោ ភេទប្រុស អាយុ ២០ឆ្នាំ នៅភូមិបឹងខ្នា ឃុំបឹងខ្នា ស្រុកបាកាន ខេត្តពោធិ៍សាត់ ។
ដកហូតម្សៅក្រាមពណ៌សថ្លាសង្ស័យជាគ្រឿងញៀន ១១កញ្ចប់, ម៉ូតូ ១ គ្រឿង, ទូរស័ព្ទដៃ ២ រួមនឹងឧបករណ៍ប្រើប្រាស់គ្រឿងញៀនមួយចំនួន ។
៥/នៅថ្ងៃទី ២៥ ខែមីនា ឆ្នាំ២០២០ វេលាម៉ោង ១៦ និង០០នាទី នៅចំណុចភូមិព្រៃទាន់ ឃុំចាន់សែន កម្លាំងអធិការដ្ឋាននគរបាល ស្រុកឧដុង្គ បង្ក្រាបមុខសញ្ញាសង្ស័យបាន ៣នាក់ ៖ ១-ឈ្មោះ ជា ទីនាង ភេទ ប្រុស អាយុ ២៦ឆ្នាំ នៅភូមិព្រៃទាន់ ឃុំចាន់សែន ស្រុកឧដុង្គ ២-ឈ្មោះ សូ ចាន់ថន ភេទប្រុស អាយុ ៣០ឆ្នាំ ៣-ឈ្មោះ ពៅ ថង ភេទប្រុស អាយុ ២០ឆ្នាំ ទាំង២នាក់នៅភូមិស្ដុកវែង ឃុំម្កាក់ ស្រុកអង្គស្នួល ខេត្តកណ្ដាល។
ដកហូតម្សៅក្រាមពណ៌សថ្លាសង្ស័យជាគ្រឿងញៀន ៣៣កញ្ចប់ និងទូរស័ព្ទដៃ ២ គ្រឿង។
បច្ចុប្បន្នជនសង្ស័យ រួមជាមួយវត្ថុតាង ត្រូវបានជំនាញ កសាងសំណុំរឿង បូកបញ្ជូនទៅអយ្យការអមសាលាដំបូងខេត្ដកំពង់ស្ពឺ ចាត់ការតាមនីតិវិធីច្បាប់៕
មតិយោបល់