ភ្នំពេញៈ កម្លាំងព្រហ្មទណ្ឌកម្រិតធ្ងន់សហការជាមួយកម្លាំងព្រហ្មទណ្ឌខណ្ឌ៧មករា បានចុះប្រតិបត្តិការត្រួតពិនិត្យផ្ទះសំណាក់ សុខវ៉ា ដែលមានទីតាំងនៅតាមបណ្ដោយផ្លូវ១០៧កែងនិងផ្លូវ២១៤ (ផ្លូវភ្លោះ) ក្នុងសង្កាត់បឹងព្រលឹត ខណ្ឌ៧មករាកាលពីវេលាម៉ោង១១ថ្ងៃទី២ សីហានេះ បានឃាត់ខ្លួនក្រុមអ្នកប្រើប្រាស់ថ្នាំញៀន៣នាក់ និងដកហូត បានថ្នាំញៀនចំនួន១កញ្ចាប់តូច សម្ភារៈជក់១ចំនួន និងម៉ូតូ១គ្រឿង ម៉ាកហុងដា សេ១១០ ពណ៌ក្រហម ពាក់ស្លាកលេខភ្នំពេញ១BQ-៨៤៤៥។

ជនសង្ស័យទាំង៣នាក់ ទី១.ឈ្មោះ សុខ ពិសី ភេទប្រុស អាយុ២២ឆ្នាំ ស្នាក់នៅផ្ទះមិនចាំលេខជាន់ទី៤ ផ្លូវ១០៧ ក្នុងសង្កាត់អូឬស្សី៤ និងមុខរបរបិទម៉ូតូ។ ទី២.ឈ្មោះ សុខ ហេង ភេទប្រុស អាយុ១៨ឆ្នាំ ស្នាក់នៅផ្ទះលេខ១៣០ ផ្លូវ២១៥ ក្នុងសង្កាត់វាលវង់ ខណ្ឌ៧មករា និងមុខរបរជាងភ្លើង។ និងទី៣.ឈ្មោះ រ៉េង សុធារៈ អាយុ១៦ឆ្នាំ ផ្លូវរថភ្លើង ម្ដុំក្រោយសាលាតិចតូ មុខរបរសិស្សថ្នាក់ទី១២ នៃវិទ្យាល័យសន្ធាម៉ុក។

ប្រព័ត៌មានបានឲ្យដឹងថា មុនឈានដល់ការចុះប្រតិបត្តិការត្រួតពិនិត្យនេះ គឺកន្លងមកមានក្រុមយុវជនក្មេងៗ បាននាំគ្នា ជាក្រុមៗ មកចូលសំងំក្នុងផ្ទះសំណាក់ខាងលើនេះ ដើម្បីប្រើប្រាស់សារធាតុញៀន ជាញឹកញាយ។

បច្ចុប្បន្នជនសង្ស័យទាំង៣នាក់ត្រូវបាន កម្លាំងនគរបាលនាំមកឃុំខ្លួនបណ្ដោះអាសន្ននៅអធិការដ្ឋានខណ្ឌ៧មករា ដើម្បីធ្វើការសួនាំកសាងសំណុំរឿងចាត់ការតាមនីតិវិធី៕

https://youtu.be/-gmZKEEv5AQ