ផ្ទះ ព័ត៌មានជាតិ ឲ្យរាងថ្ងៃក្រ...

ឲ្យរាងថ្ងៃក្រោយ! អ្នកផ្សព្វផ្សាយលក់ផលិតផលអនឡាញ ៦នាក់ ដែលបង្ហោះលក់ឧបករណ៍ធ្វើតេស្តរកវីរុសកូវីដ ១៩ នៅលើ Facebook ត្រូវសមត្ថកិច្ច ហៅទៅដុសក្អែល

0

ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា អ្នកផ្សព្វផ្សាយលក់ផលិតផលអនឡាញ ៦នាក់ ដែលបង្ហោះលក់ឧបករណ៍ធ្វើតេស្តរកវីរុសកូវីដ ១៩ នៅលើបណ្តាញសង្គមហ្វេសបុក ដែលសមត្ថកិច្ចតាមបណ្តាខណ្ឌ បានធ្វើការឃាត់ខ្លួន កាលពីថ្ងៃអាទិត្យ ទី២៩ ខែមីនា ឆ្នាំ២០២០ ត្រូវបានសមត្ថកិច្ចការិយាល័យប្រឆាំបទល្មើសបច្ចេកវិទ្យា នៃផែនការងារសន្តិសុខ យកមកធ្វើការណែនាំ អប់រំ និងធ្វើកិច្ចសន្យាបញ្ឈប់ការបង្ហោះលក់ផលិតផលទាំងឡាយណាដែលច្បាប់ហាមឃាត់។

នៅចំពោះមុខសមត្ថកិច្ច មនុស្សទាំង ៦នាក់ បានសារភាពកំហុស ដែលខ្លួនបានធ្វើផ្ទុយពីច្បាប់ហាមឃាត់ និងសន្យាមិនបង្ហោះលក់ផលិតផលអ្វី ដែលច្បាប់ហាមឃាត់ទៀតឡើយ។ សូមបញ្ជាក់ថា ករណីនេះ មនុស្សទាំង ៦នាក់ គ្រាន់តែយករូប ក្នុងប្រព័ន្ធអ៊ិនធឺណិតមកបង្ហោះ ជាក់ស្តែងមិនទាន់មានផលិតផលលក់នៅឡើយទេ។

បន្ទាប់ពីទទួលកំហុស និងទទួលបានការណែនាំអប់រំ ព្រមទាំងធ្វើកិច្ចសន្យាបញ្ឈប់ទង្វើួចមក នៅព្រឹកថ្ងៃទី៣១ ខែមីនា ឆ្នាំ២០២០នេះ សមត្ថកិច្ចជំនាញបានឲ្យមនុស្សទាំង ៦នាក់ ខាងលើវិលត្រឡប់ទៅគេហដ្ឋានរៀងៗខ្លួនវិញ៕

មតិយោបល់