ភ្នំពេញ: ជនសង្ស័យចំនួន៦នាក់ ត្រូវបានកម្លាំងជំនាញការិយាល័យប្រឆាំងគ្រឿងញៀនរាជធានីភ្នំពេញឃាត់ខ្លួន កាលពីវេលាម៉ោង១១ និង៤០នាទីព្រឹកថ្ងៃទី២ ខែសីហា ឆ្នាំ២០១៦ នៅមុខពេទ្យលោកសង្ឃ ភូមិត្រពាំងឈូក សង្កាត់ទឹកថ្លា ខណ្ឌសែនសុខ។

ប្រតិបត្តិការនេះសមត្ថកិច្ចក៏បានចាប់យកវត្ថុតាងគ្រឿងញៀន ឧបករណ៍ប្រើប្រាស់ និងទូហ្គេម១ទូ ហើយត្រូវនាំខ្លួនយកទៅធ្វើការសាកសួរ។ ចំណែឯទូហ្គេមត្រូវប្រគល់ទៅឲ្យសាលាខណ្ឌសែនសុខ អាចនឹងធ្វើការវាយកម្ទេចចោល។

គួររំឭកថា ទីតាំងមុខពេទ្យលោកសង្ឃ ក្នុងភូមិត្រពាំងឈូកពោពេញទៅដោយតំបន់ចែកចាយ ប្រើប្រាស់គ្រឿងញៀន ចាប់នោះចាប់ទាំងយប់ទាំងថ្ងៃ រាល់ថ្ងៃ ប៉ុន្តែចាប់កាន់តែខ្លាំងបទល្មើសនេះកាន់តែរីកដុះដាល គួរឲ្យមានការព្រួយបារម្ភពីប្រជាពលរដ្ឋនៅតំបន់នោះ៕