ភ្នំពេញ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា កម្លាំងនគរបាលនាយកដ្ធាន ព្រហ្មទណ្ឌកម្រិតធ្ងន់ សហការជាមួយកម្លាំងប៉ុស្តិ៍នគរបាលរដ្ឋបាលទន្លេបាសាក់ នៃអធិការដ្ឋានខណ្ឌចម្ការមន បានធ្វើការឃាត់ខ្លួនក្មេងទំនើង២នាក់ ជាប់ពាក់ព័ន្ធករណីឆក់កាបូបជនបរទេសមិនបានសម្រេច នៅចំណុច ផ្លូវក្រោយ ស្ថានទូតរុស្ស៊ី កែងនឹងផ្លូវសបិត ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចម្ការមន រាជធានីភ្នំពេញ កាលពីវេលាម៉ោង១៦នឹង៤០នាទី ថ្ងៃទី៥ ខែមេសា ឆ្នាំ២០២០ ។
សមត្ថកិច្ចបានឲ្យដឹងថា ជនសង្ស័យ០២នាក់៖ ១-ឈ្មោះ យ៉ង សុខអូរ ភេទប្រុស អាយុ១៤ឆ្នាំ មុខរបរ រត់តុការ ស្នាក់នៅផ្ទះជួល ភូមិតាង៉ូវ សង្កាត់និរោធ ខណ្ឌច្បារអំពៅ រាជធានីភ្នំពេញ ។ ២-ឈ្មោះ សួន ចន្ថា ភេទប្រុស អាយុ២៥ឆ្នាំ មុខរបរ កម្មករសំណង់ ស្នាក់នៅផ្ទះជួល ផ្លូវបេតុង ភូមិតាង៉ូវ សង្កាត់និរោធ ខណ្ឌច្បារអំពៅ រាជធានីភ្នំពេញ ។ ចំណែកឯជនរងគ្រោះជាជនបរទេស ពុំបានដាក់ពាក្យបណ្ដឹងទេ ។
ជនសង្ស័យ ត្រូវបានកម្លាំងនគរបាលជំនាញ កសាងសំណុំរឿង ដើម្បីចាត់ការបន្តតាមនិតិវិធី ៕
មតិយោបល់