អង់គ្លេស​៖ កីឡាករ​​ខ្ពស់ដូចកុក Peter Crouch បានបង្ហើបឲ្យដឹងថា ​គាត់ពិតជាសប្បាយរីករាយខ្លាំងណាស់ ក្នុងការ​បន្ត​លេង​ឲ្យក្លិប Stoke ហើយក៏គ្មានគម្រោងចាកចេញពី ពហុកីឡដ្ឋាន Britannia Stadium នោះដែរ​។​

កីឡាករវ័យ ៣៣ ឆ្នាំ ត្រូវបាន​គេសំឡឹងឃើញ ថា​នឹងអាចចេញពីក្លិប Stoke ក៏ប៉ុន្តែ​ខណៈពេលដែលទីផ្សារ​ ឈានចូលមកដល់ ​បែរជា​​មិនអាចទៅរួច​វិញ ក្នុងអំឡុងទីផ្សារផ្ទេរកីឡាករ និងដេញថ្លៃកីឡាករ កាលពីខែ មករា នោះ។​

អតីត​អ្នកលេង​ឲ្យក្លិបហង្សក្រហម និង ក្លិបមាន់ខ្នាយមាស Tottenham ដោយកុងត្រានៅពេលបច្ចុប្បន្ននេះ នៅសល់តែ ១ ឆ្នាំតែប៉ុណ្ណោះ ក៏ប៉ុន្តែ Peter Crouch បាននិយាយថា គាត់ពិតជារីករាយ និងពន្យារកុងត្រា ក្នុងការស្នាក់នៅលេងបន្ត​ឲ្យក្លិប Stoke ។​ ម្យ៉ាងវិញទៀត សង្ឈឹមថា នឹង​អាចរកគ្រាប់បាល់ជូនក្លិប ជាច្រើនទៀតផងដែរ​៕​