ផ្ទះ ព័ត៌មានជាតិ បងប្អូនប្រុងប...

បងប្អូនប្រុងប្រយ័ត្ន! សមត្ថកិច្ច ​បង្ក្រាប​ទីតាំង​លួចលាក់ ​ទុក​ពោះវៀន​ជ្រូក ​មាន​សា​រធាតុគីមី ​នៅ​ស្រុក​កៀនស្វាយ

0

​កណ្តាល: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា លោក​​ ឈឿ​ន​ សុចិត្ត​ ស្នងការ​នគរបាល​ខេត្តកណ្តាល​ ដឹកនាំ​កម្លាំង​ ចុះ​បង្ក្រាប​ទៅ​លើ​ទីតាំង​លួចលាក់​ទុក​ការ​នាំ​ចូល​នូវ​ពោះវៀន​ជ្រូក​ដែល​មាន​សារធាតុ​គីមី​ចំនួន​២​កុងតឺន័រ​ នា​វេលា​ម៉ោង​១០​និង​៣០​នាទី​ព្រឹក​ ថ្ងៃ​ទី​៨​ ខែមេសា​ ឆ្នាំ​២០២០​ ត្រង់​ចំណុច​ឃ្លាំង​មួយ​កន្លែង​ ស្ថិត​ក្នុងភូមិ​ជ័យ​ឧត្តម​១​ ឃុំ​សំរោង​ធំ​ ស្រុក​កៀនស្វាយ​ ខេត្តកណ្តាល​ ។

​លោក​​ ឈឿ​ន​ សុចិត្ត​ ស្នងការ​នគរបាល​ខេត្តកណ្ដាល​បាន​ឲ្យ​ដឹង​ថា​ ក្រោយ​ពី​ទទួល​បាន​ព័ត៌មាន​ថា​មាន​ករណី​លាក់​ទុក​ពោះ​វៀត​ជ្រូក​នៅ​ទីតាំង​ខាងលើ​ ភ្លាម​នោះ​លោក​បាន​ដឹកនាំ​កម្លាំង​ជំនាញ​ប្រឆាំង​បទល្មើស​សេដ្ឋកិច្ច​ នៃ​ស្នងការដ្ឋាន​នគរបាល​ខេត្តកណ្តាល​ សហការ​ជាមួយ​នគរបាល​ស្រុក​កៀនស្វាយ​ ,​មន្ត្រី​ជំនាញ​កាំកុងត្រូល​ ដោយ​មានការ​សម្របសម្រួល​នីតិវិធី​ពី​ព្រះរាជអាជ្ញា​អម​សាលាដំបូង​ ធ្វើការ​ឆែកឆេ​ ទីតាំង​ខាងលើ​ បាន​រក​ឃើញ​ពោះវៀន​ជ្រូក​មាន​សារធាតុ​គីមី​ ២​កុងតឺន័រ​តែ​ម្ដង​ ។​

បច្ចុប្បន្ន​ កម្លាំង​ជំនាញ​កំពុង​កសាង​សំណុំរឿង​ដកហូត​វត្ថុ​តាង​ពាក់ព័ន្ធ​ខាងលើ​ ដើម្បី​ចាត់ការ​តាម​នីតិវិធី​ច្បាប់​ ៕

មតិយោបល់