បន្ទាយមានជ័យ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា គណ:បញ្ជាឯកភាពក្រុងសិរីសោភ័ណ ដឹកនាំដោយលោក ម៉ៅ វណ្ណា អភិបាលរងក្រុង តំណាងលោក ហ៊ឹល រ៉ាយ៉ា អភិបាលនៃគណ:អភិបាលក្រុងសិរីសោភ័ណ និងជាប្រធានគណ:បញ្ជការឯកភាពក្រុង បានដឹកនាំកងកម្លាំងសមត្ថិកច្ច និងអាវុធហត្ថក្រុង ធ្វើការចុះបង្ក្រាបទីតាំងជល់មាន់ មួយកន្លែង ត្រង់ចំណុចផ្លូវចុះទឹកស្អាត ស្ថិតក្នុងភូមិគោរដ្ឋាន សង្កាត់អូរអំបិល ក្រុងសិរីសាភ័ណ ខេត្តបន្ទាយមានជ័យ។
ប្រតិបត្តិការនេះ បានធ្វើឡើងនៅថ្ងៃទី១១ ខែមេសា ឆ្នាំ២០២០ វេលាម៉ោង១១និង៣០នាទី ។
ប្រតិបត្តិការខាងលើ ធ្វើឡើងក្រោយពីទទួលបានព័ត៌មានពីប្រជាពលរដ្ឋនៅក្នុងមូលដ្ឋាន ដោយសារតែមានការរំខានដល់ការរស់នៅរបស់ពួកគាត់ និងបង្កភាពអសន្តិសុខក្នុងមូលដ្ឋាន។ ក្នុងនោះកងកម្លាំងបានធ្វើការឃាត់ខ្លួនអ្នកជល់មាន់ បានចំនួន៥នាក់ និងម្ចាស់ផ្ទះផ្តល់ទីតាំងជល់មាន ឈ្មោះ អោ សុផល ភេទប្រុស អាយុ៥៧ ឆ្នាំរស់នៅភូមិនិងសង្កាត់ខាងលើ សរុបទាំងអស់ចំនួន៦នាក់ បញ្ជូនទៅសាលាក្រុង និងធ្វើការអប់រំហើយឲ្យត្រឡប់ទៅវិញ ចំណែកម្ចាស់ផ្ទះត្រូវបានបន្តអនុវត្តទៅតាមនិតិវិធីច្បាប់៕
មតិយោបល់