កំពង់ស្ពឺ:ប្រភពយោងតាមផេកស្នងការដ្ឋាននគរបាលខេត្តកំពង់ស្ពឺបានអោយដឹងថា កាលពីថ្ងទី១៤.១០.២០២៣ វេលាម៉ោង១២និង៤០នាទី នៅចំណុចផ្ទះឈ្មោះ ប៊ុន ប៊ុនធឿន ភេទប្រុសអាយុ៤៤ឆ្នាំ និងប្រពន្ធឈ្មោះ បេងឡាំអុីម អាយុ៣៤ឆ្នាំ ភូមិមនោរម្យ ឃុំមនោរម្យ ស្រុកថ្ពង ខេត្តកំពង់ស្ពឺ
មានក្រុមជនសង្ស័យ ធ្វើសកម្មភាពគាស់ផ្ទះយកគ្រឿងអលង្ការ អស់មួយចំនួន ពេលម្ចាស់ផ្ទះទៅវត្ដធ្វេីបុណ្យ។
ក្រោយកេីតហេតុ សមត្ថកិច្ចនគរបាលបានចុះពិនិត្យកន្លែងកេីតហេតុនិងពិនិត្យលេីភស្ដុតាងមួយចំនួនដែលបន្សល់នៅកន្លែងកេីតហេតុ កាមេរ៉ាសុវត្ថិភាព ព្រមទាំងសាក្សីជុំវិញកន្លែងកេីតហេតុ ។
ដោយទទួលបានបទបញ្ជានិងការចង្អុលណែនាំដ៏ខ្ពង់ខ្ពស់ ពីឯកឧត្តម នាយឧត្ដមសេនីយ៍ អគ្គស្នងការ នគរបាលជាតិ លោកឧត្ដមសេនីយ៍ទោ សម សាមួន ស្នងការ នគរបាលខេត្ដកំពង់ស្ពឺ បានដឹកនាំផែនការងារជំនាញ ព្រហ្មទណ្ឌ -អធិការស្រុក និងជំនាញពាក់ព័ន្ធ
ធ្វើការស្រាវជ្រាវចំណាត់ការអោយខានតែបាន ក្នុងនោះ បានការសម្របសម្រួលនីតិវិធីពី អយ្យការ អមសាលាដំបូងខេត្ដកំពង់ស្ពឺ និងកិច្ចសហការពី គ្រប់ស្ថាប័នពាក់ព័ន្ធ នគរបាលក្រសួងមហាផ្ទៃ ស្នងការដ្ឋាននគរបាលខេត្ដទាំង៥ រហូតកំណត់មុខសញ្ញាជនសង្ស័យ បក្ខពួកប្រព្រឹត្ដបទល្មេីសបាន និងឈានទៅសហការឃាត់ខ្លួនដកហូតបានវត្ថុតាងបានមួយចំនួនធំ (ជាក់ស្ដែងវត្ថុតាងមួយចំនួនត្រូវបានផ្លាស់ប្ដូរទម្រង់ដេីម) សម្ភារៈដែលបានបាត់បង់តាមការបញ្ជាក់ពី ជនរងគ្រោះ ៖ គ្រឿងអលង្ការ ចំនួនប៉ាន់ស្មាន ២៥០ តម្លឹង លោហៈប្រភេទប្លាកទីន គឹតជាទឹកប្រាក់ប្រមាណ ១៦ មុឺនដុល្លា សហរដ្ឋអាមេរិក ។
ក្រោមកិច្ចដឹកនាំបញ្ជាដ៏មុឹងម៉ាត់និងយកចិត្ដទុកដាក់ពីសំណាក់កងកម្លាំងនគរបាល សមត្ថកិច្ចបានឃាត់ខ្លួនជនសង្ស័យ ចំនួន ២នាក់ ៖
១.ឈ្មោះ ប៉ិច ផាណ្ណៈ ភេទប្រុសអាយុ៣៩ឆ្នាំ លំនៅផ្ទះភូមិសាលាកន្សែង សង្កាត់ស្វាយដង្គុំ ក្រុងសៀមរាប ខេត្តសៀមរាប ។
ដកហូតបានសម្ភារះវត្ថុតាងមួយចំនួន ។
២.ឈ្មោះ ណាម វិចិត្រ ភេទប្រុសអាយុ៣៩ឆ្នាំ នៅភូមិកំពង់ពិល ឃុំវត្តតាមឹម ស្រុកសង្កែ ខេត្តបាត់ដំបង ដកហូតទូរស័ព្ទ ចំនួន ០១គ្រឿង។
ចម្លេីយបឋមជនសង្ស័យទាំង២នាក់បានសារភាពថា ពិតជាបានធ្វើសកម្មភាពគាស់ផ្ទះជនរងគ្រោះនៅក្នុងស្រុកថ្ពង ខេត្តកំពង់ស្ពឺ ប្រាកដមែន
ឈ្មោះ ប៉ិច ផាណ្ណៈ ចូលធ្វើសកម្មភាព ឈ្មោះ ណាម វិចិត្រ រង់ចាំបើករថយន្ត ( រថយន្ត PRIUS ពណ៍ស)
បច្ចុប្បន្នជនសង្ស័យទាំង០២ ត្រូវបានសមត្ថកិច្ចនគរបាលកំពង់ស្ពឺ គ្រប់គ្រងកសាងសំណុំរឿង បញ្ជូនទៅអយ្យការ អមសាលាដំបូងខេត្ដកំពង់ស្ពឺ ចំណាត់ការបន្ដ ៕
មតិយោបល់