កណ្ដាលៈ នៅវេលាម៉ោង ៧និង៣៥នាទីយប់ថ្ងៃទី១៤ ខែមេសា ឆ្នាំ២០២០ មានករណីគ្រោះថ្នាក់ចរាចរណ៍ដោយបុរសម្នាក់ជិះម៉ូតូដួលខ្លួនឯង ស្ថិតលើផ្លូវជាតិលេខ៣ ចន្លោះគីឡូម៉ែត្រ៣២-៣៣ ចំណុចភូមិតាឡឹក ឃុំត្រពាំងវែង ស្រុកកណ្ដាលស្ទឹង ខេត្តកណ្ដាល។

ជនរងគ្រោះឈ្មោះ កែវ សុវណ្ណារ៉ា ភេទប្រុស អាយុ ២៨ឆ្នាំ (ស្លាប់) រស់នៅភូមិស្មោង ឃុំសំឡាញ់ ស្រុកអង្គរជ័យ ខេត្តកំពត បើកបរម៉ូតូម៉ាក សង់សេ125 ពណ៌ខ្មៅ ពាក់ផ្លាកលេខ តាកែវ 1Q-0096។

មូលហេតុ៖ ជិះម៉ូតូធ្លាក់ជង្ហុកបាក់កស្លាប់។

ក្រោយពីកើតហេតុសមត្ថកិច្ច ចុះដល់ទីតាំងធ្វើកំណត់ហេតុ រួចប្រគល់សពជូនក្រុមគ្រួសារ យកទៅធ្វើបុណ្យ៕