កំពង់ធំៈ ថ្ងៃទី១៦ ខែមេសា ឆ្នាំ ២០២០ វេលាម៉ោង ៦និង៥៥នាទី ចន្លោះគីឡូម៉ែត្រលេខ១៣៤-១៣៥ ភូមិតាញ៉ោក ឃុំប្រាសាទ ស្រុកសន្ទុក មានករណីគ្រោះថ្នាក់ចរាចរណ៍រវាងម៉ូតូ និងរថយន្ត។

រថយន្តម៉ាក luxus RX400 ពណ៌ស ផ្លាកលេខភ្នំពេញ 2AK-6407 បើកបរទិសដៅពីលិចទៅកើត អ្នកបើកបរមិនស្គាល់អត្តសញ្ញាណ បានបើករថយន្តគេចពីកន្លែងកើតហេតុ យកទៅចតចោលនៅភូមិទួលសង្កែ ឃុំកំពង់ថ្ម ស្រុកសន្ទុក ម្ចាស់ខ្លួនបាត់។
ម៉ូតូម៉ាក ហុងដាវ៉េវ ពណ៌ខ្មៅ ផ្លាកលេខគ្មាន បើកបរឆ្លងកាត់ផ្លូវពីជើងទៅត្បូង ដោយឈ្មោះ ហែ កាយ ភេទស្រី អាយុ ៤៩ឆ្នាំ នៅភូមិតាញ៉ោក ឃុំប្រាសាទ ស្រុកសន្ទុកមុខរបរកសិករ មិនពាក់មួកសុវត្ថិភាព ស្លាប់នៅកន្លែងកើតហេតុ។

មូលហេតុ៖ បង្កដោយអ្នកបើកបរម៉ូតូឆ្លងកាត់ផ្លូវខ្វះការប្រុងប្រយ័ត្ន។

ក្រោយពីកើតហេតុសមត្ថកិច្ចចុះដល់ទីតាំងវាស់វែង វត្ថុតាងយករក្សាទុកនៅអធិការរដ្ឋាននគរបាលស្រុកសន្ទុក ដើម្បីដោះស្រាយតាមនីតិវិធី ចំពោះសព ប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី៕