ព្រៃវែងៈ យោងតាមផេកការិយាល័យផ្សព្វផ្សាយតាមបណ្តាញសង្គម បានឲ្យដឹងថា នៅវេលាម៉ោង១៨និង៥៧នាទី ថ្ងៃទី២០ ខែមេសា ឆ្នាំ២០២០ មានករណីគ្រោះថ្នាក់ចរាចរណ៍កើតឡើង១លើករវាងម៉ូតូនិងម៉ូតូក្នុងទិសដៅបញ្ច្រាសទិសគ្នាពីជើងទៅត្បូង ស្ថិតនៅភូមិពោធិ៍រៀងជើង ឃុំពោធិ៍រៀង ស្រុកពោធិ៍រៀង ខេត្តព្រៃវែង ។
អ្នកបើកបរម៉ូតូឈ្មោះ វុធ ធារ៉ា ភេទប្រុស អាយុ១៩ឆ្នាំ រស់នៅភូមិពោធិ៍រៀងត្បូង បានបើកបរម៉ូតូម៉ាកស្មាសរីវ៉ូ ពណ៌ក្រហម សេរី២០០៩ ស្លាកលេខកោះកុង 1A-5274 បើកបរពីជើងមកត្បូងរងបួសបានបញ្ចូនទៅ មណ្ឌលសុខភាពឃុំពោធិរៀង ។ ចំណែកម៉ូតូខូចផ្នែកខាងមុខ។
អ្នកបើកបរម្នាក់ទៀតឈ្មោះ គង់ សុភ័ក្ត ភេទប្រុស អាយុ១៩ឆ្នាំ រស់នៅខេត្តកំពង់ឆ្នាំង រងរបួសដៃខាងស្តាំស្រាល និងអ្នករួមដំណើរម្នាក់ទៀតឈ្មោះ ថៃ ស្វិត ភេទប្រុស អាយុ២១ឆ្នាំ រស់នៅខេត្តកណ្តាល រងរបួស សម្រាកព្យាបាលនៅពោធិរៀង។ បើកបរម៉ូតូម៉ាកវ៉េវែ អ៊ែលវ៉ា ពណ៌ខ្មៅ ពាក់ស្លាកលេខ កំពង់ឆ្នាំង 1E-1647 បើកបរពីត្បូងទៅជើង។
បច្ចុប្បន្នម៉ូតូទាំងពីរគ្រឿងត្រូវបានយកទៅរក្សាទុកនៅប៉ុស្តិ៍នគរបាលរដ្ឋបាលពោធិ៍រៀងដើម្បីបំពេញនិតិវិធី៕