ព្រះសីហនុៈ នៅវេលាម៉ោង ៧ព្រឹក ថ្ងៃទី១ ខែឧសភា ឆ្នាំ២០២០ មានករណី ចង ក ធ្វើអត្តឃាត ០១កើតឡើង ស្ថិតត្រង់ចំណុចច្រកចូលចម្ការខ្នុរ ក្នុងភូមិចំណោទរាម ឃុំបិតត្រាំង ស្រុកព្រៃនប់ ខេត្តព្រះសីហនុ ជាប់ផ្លូវជាតិចន្លោះបង្គោលគីឡូមែត្រ២១៣-២១៤។

ជនរងគ្រោះ ភេទប្រុស ពាក់អាវយឺត ស ដៃខ្លី ស្លៀកខោខូវប៊យ បានយកខ្សែ ចង ក ភ្ជាប់ទៅនឹងដើមព្រីង បណ្តាលឲ្យស្លាប់។

តាមការសាកសួរព័ត៌មានពីប្រជាពលរដ្ឋ នៅចំនុចខាងលើ បានឲ្យដឹង ថាកាលពី ថ្ងៃទី៣០
ខែមេសា ឆ្នាំ២០២០ ពួកគាត់ឃើញជនរងគ្រោះខាងលើ បានដើរទៅមកៗ កន្លែងកើតហេតុខាងលើ ហើយនិយាយតែម្នាក់ឯង ហាក់បីដូចជាមានសតិមិនល្អ។ លុះព្រឹកឡើងឃើញចងកស្លាប់បាត់ទៅហើយ។

បច្ចុប្បន្នសាកសពខាងលើ ពុំទាន់ស្គាល់អត្តសញ្ញាណទេ ហើយយកទៅតម្កល់ទុកនៅវត្តបិតត្រាំង បន្ទាប់ពីធ្វើការពិនិត្យរួច៕