ផ្ទះ ព័ត៌មានជាតិ ជនសង្ស័យ២នាក់...

ជនសង្ស័យ២នាក់ប៉ុនប៉ងលួចម៉ូតូក្នុងខណ្ឌមានជ័យសមត្ថកិច្ចឃាត់ខ្លួន

0

ភ្នំពេញ:នៅវេលាម៉ោង១និង៣០នាទីរំលងអធ្រាត្រថ្ងៃទី ១៦ ខែ ឧសភា ឆ្នាំ ២០២០ នៅចំណុចផ្លូវ លេខ៣៧១ ភូមិ ឬស្សី សង្កាត់ ស្ទឹងមានជ័យទី២ ខណ្ឌ មានជ័យ រាជធានីភ្នំពេញ ។

មានជនសង្ស័យចំនួន២នាក់ក្នុងចំណោមបក្ខពួក៣នាក់ត្រូវបានសមត្ថកិច្ចឃាត់ខ្លួនទី១ឈ្មោះ ម៉ៅ វាសនា ហៅ វែង ភេទ ប្រុស អាយុ ២៩ ឆ្នាំ ជនជាតិ ខ្មែរ ទីលំនៅផ្ទះជួល ផ្លូវលំ ភូមិ ទួលពង្រ សង្កាត់ ចោមចៅទី១ ខណ្ឌ ពោធិ៍សែនជ័យ រាជធានីភ្នំពេញ មុខរបរ មិនពិតប្រាកដ (ឃាត់ខ្លួន មានផ្ទុកសារធាតុញៀន) ។
ទី២ឈ្មោះ ម៉ាន សត្យា ហៅ ញ៉ាញ់ ភេទ ប្រុស អាយុ ២៤ ឆ្នាំ ជនជាតិ ខ្មែរ ទីលំនៅផ្ទះជួល ផ្លូវលំ ភូមិ ត្នោតជ្រុំ សង្កាត់ បឹងទំពន់ទី២ ខណ្ឌ មានជ័យ រាជធានីភ្នំពេញ មុខរបរ មិនពិតប្រាកដ(ឃាត់ខ្លួន មានផ្ទុកសារធាតុញៀន) ។

វត្ថុតាងមាន៖ដែកមុខស្រួចសំប៉ែតចំនួន ០១ដើម , សោរទីបលេខ៨ចំនួន០១ដើម, ដែកលួសសរសៃចំនួន០៣កំណាត់ , ទុលឡឺវីសចំនួន០២ ដើម និង ម៉ូតូ០១គ្រឿងម៉ាកហុងដាវីសិន ពណ៍ទឹកប៊ិច លេខម៉ាស៊ីន 0186411 ពាក់ស្លាកលេខ តាកែវ 1M9458 (ជារបស់ជនសង្ស័យ) ។

សមត្ថកិច្ចឲ្យដឹងថាកាលពីថ្ងៃទី ១៦ ខែ ឧសភា ឆ្នាំ ២០២០ វេលាម៉ោង០១និង៣០នាទីរំលងអាធ្រាត្រ កម្លាំងនគរបាលប៉ុស្តិ៍ស្ទឹងមានជ័យទី២ បានសហការជាមួយកម្លាំងផ្នែកអន្តរាគមន៍ ចំណុះអធិការដ្ឋាននគរបាលខណ្ឌមានជ័យ ធ្វើការល្បាតពួនស្ទាក់នៅក្នុងមូលដ្ឋាន ពេលមកដល់ផ្លូវលេខ៣៧១ ភូមិ ឬស្សី សង្កាត់ ស្ទឹងមានជ័យទី២ ខណ្ឌ មានជ័យ រាជធានីភ្នំពេញ ស្រាប់តែឃើញជនសង្ស័យចំនួន០៣នាក់ឈ្មោះ ម៉ៅ វាសនា ហៅ វែង ភេទ ប្រុស អាយុ ២៧ ឆ្នាំ , ឈ្មោះ ម៉ាន សត្យា ហៅ ញ៉ាញ់ ភេទ ប្រុស អាយុ ២៤ ឆ្នាំ និង ឈ្មោះ ធី ភេទ ប្រុស អាយុ ២៦ ឆ្នាំ ជិះម៉ូតូ០១គ្រឿងម៉ាកហុងដាវីសិន ពណ៍ទឹកប៊ិច ពាក់ស្លាកលេខ តាកែវ 1M9458 ដោយមានការសង្ស័យសមត្ថកិច្ចយើងបានឃាត់ម៉ូតូដើម្បីត្រួតពិនិត្យ ស្រាប់តែជនសង្ស័យម្នាក់ឈ្មោះ ធី បានលោតចុះពីលើម៉ូតូរត់គេចខ្លួនបាត់ ភ្លាមនោះសមត្ថកិច្ចយើងបានឃាត់ខ្លួនសង្ស័យ០២នាក់ឈ្មោះ ម៉ៅ វាសនា ហៅ វែង , ឈ្មោះ ម៉ាន សត្យា ហៅ ញ៉ាញ់ ឆែកឆេររកឃើញឧបករណ៍សម្រាប់គាស់សោរទ្វារផ្ទះ និងសម្រាប់កាច់សោរកម៉ូតូមួយចំនួនរួមមាន ៖ ដែកមុខស្រួចសំប៉ែតចំនួន ០១ដើម ,សោរទីបលេខ៨ចំនួន០១ដើម, ដែកលួសសរសៃចំនួន០៣កំណាត់ , ទុលឡឺវីសចំនួន០២ ដើម នៅជាប់ខ្លួនជនសង្ស័យឈ្មោះ ម៉ៅ វាសនា ហៅ វែង ឃើញដូចនោះសមត្ថកិច្ចយើងក៏បាននាំខ្លួនជនសង្ស័យទាំង០២នាក់ឈ្មោះ ម៉ៅ វាសនា ហៅ វែង , ឈ្មោះ ម៉ាន សត្យា ហៅ ញ៉ាញ់ យកមកសាកសួរនៅស្នាក់ការនគរបាលប៉ុស្តិ៍ស្ទឹងមានជ័យទី២ដើម្បីសួរនាំ។

បច្ចុប្បន្នជនសង្ស័យត្រូវបានឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី៕

មតិយោបល់