កណ្តាលៈ តាមសេចក្តីរាយការណ៍នៅមុននេះបន្តិច បានឲ្យ Post News ដឹងថា កម្លាំងនគរបាលព្រហ្មទណ្ឌស្រុកស្អាង និងកម្លាំងស្នងការដ្ឋាននគរបាលខេត្ត បានធ្វើការបង្ក្រាបក្រុមចោរប្លន់ប្រដាប់អាវុធ ដោយមានការផ្ទុះអាវុធច្រើនគ្រាប់ បណ្តាលឲ្យរបួសបក្ខពួកចោរប្លន់ម្នាក់ផងដែរ។

សេចក្តីរាយការណ៍បានប្រាប់ Post News ថា ហេតុការណ៍នេះ បានកើតឡើងនៅចំណុចម្តុំអូរក្រាវ ភូមិក្រាំងយ៉ូវ ឃុំក្រាំងយ៉ូវ ស្រុកស្អាង ខេត្តកណ្តាល។ ក្នុងប្រតិបត្តិការនេះ សមត្ថកិច្ចចាប់បានចោរប្លន់៦នាក់ ក្នុងនោះប៉ូលិសបាញ់ឲ្យរបួសជើងម្ខាងម្នាក់ និងដកហូតរថយន្តហាយឡែនឌ័រ១គ្រឿង។ ជនសង្ស័យ និងរថយន្តត្រូវបាននាំយកទៅស្នងការដ្ឋានខេត្ត ដើម្បីសាកសួរ។

ជនសង្ស័យដែលសមត្ថកិច្ចឃាត់ខ្លួនបាននោះ ទី១. ឈ្មោះ ធឹម ធឿន ហៅធា, ទី២. ឈ្មោះ ជា ពេជ្យ ហៅពេជ្រ, ទី៣. ម៉ន ខុន ហៅខុន, ទី៤ អូន វន ហៅ វ៉ាត និងទី៥ឈ្មោះ បិត តឿ ហៅ តឿ។

ព័ត៌មានលម្អិត Post News នឹងផ្សាយបន្តទៀត៕