បន្ទាយមានជ័យ: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា សពបុរសម្នាក់ត្រូវបានគេប្រទះឃើញស្លាប់អណ្តែតទឹកស្ទឹង នៅវេលាម៉ោង១រសៀលថ្ងៃទី៣០ ខែឧសភា ឆ្នាំ២០២០ នៅចំណុចក្នុងស្ទឹងខាងលិចអាង ភូមិបត់ត្រង់ ឃុំសំរោង ស្រុកអូរជ្រៅ ខេត្តបន្ទាយមានជ័យ ចម្ងាយពីភូមិប្រហែល៣៥០ម៉ែត្រ ។
លោកវរសេនីយ៍ទោ សែស វិបុល អធិការនគរបាលស្រុកអូរជ្រៅ បានឲ្យដឹងថា ៖ នៅវេលាម៉ោង១រសៀលថ្ងៃទី៣០ ខែឧសភា ឆ្នាំ២០២០ ប្រជាពលរដ្ឋម្នាក់ឈ្មោះ ឃីម វឿ ភេទប្រុស អាយុ៥៨ឆ្នាំ រស់នៅភូមិបត់ត្រង់ ឃុំសំរោង បានប្រទះឃើញ សពអណ្តែតទឹកស្ទឹង នៅចំណុចក្នុងស្ទឹងខាងលិចអាង ភូមិបត់ត្រង់ ឃុំសំរោង រួចបានរត់មករាយការណ៍ឲ្យនគរបាលប៉ុស្តិ៍ទៅពិនិត្យមើលទើបដឹងថា ជនរងគ្រោះមានឈ្មោះ ព្រេក គា ភេទប្រុស អាយុ២៥ឆ្នាំ នៅភូមិធ្មេញត្រី ឃុំសំរោង ស្រុកអូរជ្រៅ ខេត្តបន្ទាយមានជ័យ ។
លោកអធិការបានបញ្ជាក់ថា ៖ នៅពេលនោះដែរ យើងបានបង្កើតក្រុមការងារ ដើម្បីពិនិត្យ ដោយមានសមាសភាព កម្លាំងអធិការដ្ឋាននគរបាលស្រុក នគរបាលប៉ុស្តិ៍ មេឃុំសំរោង មេភូមិធ្មេញត្រី តាមការពិនិត្យឃើញជនរងគ្រោះស្លាប់ដោយឆក់ត្រី ភ្លាត់ស្នៀតឆក់ខ្លួនឯងស្លាប់ ព្រោះនៅជាប់នឹងខ្លួនមានដងឆក់ និងអាគុយ ពុំមានស្លាកស្នាមអ្វីដែលពាក់ព័ន្ធនឹងករណីមនុស្សឃាតឡើយ។ក្រោយពីពិនិត្យរួច សពប្រគល់ជូនក្រុមគ្រួសារចាត់ចែងធ្វើបុណ្យតាមប្រពៃណី ៕
មតិយោបល់