សៀមរាប:ក្នុងហេតុការណ៍គ្រោះថ្នាក់ចរាចរណ៍មួយ រវាងរថយន្ត ស៊ាំយ៉ុង និងម៉ូតូ ១គ្រឿង បានធ្វើដំណើរ ដោយការបើកបរ ក្នុងទិសដៅច្រាស់គ្នា ខណៈមកដល់ចំណុចអាសន្ន ក៏បុកគ្នាពេញទំហឹង បណ្តាលឱ្យបុរសម្នាក់ស្លាប់បាត់បង់ជីវិត នឹងកន្លែងកើតហេតុ នៅយប់ម៉ោង០៧:៣០នាទី ថ្ងៃទី២០ ខែមេសា ឆ្នាំ២០១៦ នេះ។

មន្ត្រីមានសមត្ថកិច្ច នៅនឹងកន្លែងកើតហេតុ បានប្រាប់ឱ្យ Post News ដឹងថា បុរសជាជនរងគ្រោះម្នាក់នោះ ឈ្មោះ រ៉េន រ័ត្ន មានលំនៅស្ថិតក្នុង ភូមិកន្ត្រាំង ឃុំកន្ត្រាំង ស្រុកប្រាសាទបាគង ខេត្តសៀមរាប បានស្លាប់បាត់បង់ជីវិតភ្លាមៗ បន្ទាប់ពីកើតហេតុ ហើយពេលនេះមន្ត្រីជំនាញ កំពុងកសាងសំណុំរឿង ដើម្បីដោះស្រាយតាមនិតិវិធីនៃផ្លូវច្បាប់៕