ផ្ទះ ព័ត៌មានជាតិ ស្ត្រីម្នាក់ ...

ស្ត្រីម្នាក់ ត្រូវរថយន្តនីសាន់ណាវ៉ារ៉ាបុកស្លាប់ភ្លាមៗនៅនិងកន្លែងខណៈដែលកំពុងបើកម៉ូតូ

0

បន្ទាយមានជ័យ: យោងតាផេករបស់អគ្គស្នងការដ្ឋាននគរបាលជាតិបានឲ្យដឹងថា ស្ត្រីម្នាក់បានស្លាប់នៅនឹងកន្លែង ដោយគ្រោះថ្នាក់ចរាចរណ៍កើតឡើងរវាងរថយន្តនីសាន់ណាវ៉ារ៉ាបុកម៉ូតូ។ ករណីគ្រោះថ្នាក់ចរាចរណ៍នេះបាន កើតឡើងនៅវេលាម៉ោង១០និង៥៥នាទីព្រឹក ថ្ងៃទី០៦ខែមិថុនា ឆ្នាំ២០២០ ក្នុងទីប្រជុំជន នៅលើផ្លូវលេខ៥៦A ចំណុចខាងត្បូងស្ថានីយ៍ប្រេងស៊ុនចន្ទ្រា ចម្ងាយ៥០ម៉ែត្រ ស្ថិតនៅភូមិកកោះ ឃុំស្លក្រាម ស្រុកស្វាយចេក ខេត្តបន្ទាយមានជ័យ។

លោកវរសេនីយ៍ឯក ជា ស្លូញ អធិការនគរបាលស្រុកស្វាយចេកបានឲ្យដឹងថា នៅមុពេលកើតហេតុ មានម៉ូតូ០១គ្រឿងម៉ាកហុងដាឌ្រីមសេ125 ពណ៍ខ្មៅ ស្លាកលេខ ប.មានជ័យ1Q-7150 បើកបរដោយឈ្មោះសុខ សុភាព ភេទស្រី អាយុ៦០ឆ្នាំ រស់នៅភូមិខ្លែងពណ៍ជើង ឃុំស្លក្រាម ស្រុកស្វាយចេក ខេត្តបន្ទាយមានជ័យ បានបើកបរ ពីទិសខាងជើងទៅត្បូង មានពាក់បួកសុវត្ថិភាព ។ ពេលបើកបរមកដល់ចំណុចកើតហេតុ ខាងត្បូងស្ថានីយ៍ប្រេងស៊ុនចន្ទ្រាចម្ងាយ៥០ម៉ែត្រ ស្ថិតនៅភូមិកកោះ មាន រថយន្តម៉ាកនីសាន់ណាវ៉ារ៉ា០១គ្រឿងស្លាកលេខបាត់ដំបង.2C-9893 (មិនស្គាល់អត្តសញ្ញាណអ្នកបើកបររត់គេចខ្លួន) បើកបរក្នុងទិសដៅពីត្បួងទៅជើងក្នុងល្បឿនលឿន ផ្លូវកោងបុកប៉ះម៉ូតូជនរងគ្រោះបណ្តាលអ្នកបើកបរម៉ូតូស្លាប់នៅកន្លែងកើតហេតុ។

លោកអធិការបានបញ្ជាក់ថា ចំណែកម៉ូតូនិងរថយន្តខូចខាតធ្ងន់ទាំង០២គ្រឿង ត្រូវបានកម្លាំងនគរបាលជំនាញចរាចរស្រុក យកមករក្សាទុកនៅអធិការដ្ឋាននគរបាលស្រុក ដើម្បីរកម្ចាស់រថយន្តមកដោះស្រាយនៅពេលក្រោយ ។ មូលហេតុបង្កឲ្យមានកើតមានគ្រោះថ្នាក់នេះ គឺបណ្តាលមកពីអ្នកបើកម៉ូតូមិនប្រកាន់ស្តាំផ្លូវកោង រីឯអ្នកបើក រថយន្តលឿនចំណុចផ្លូវកោង ៕

 

មតិយោបល់