បន្ទាយមានជ័យៈ យោងតាមផេកនាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ បានឲ្យដឹងថា មានករណីអគ្គិភ័យភ្លើង ឆេះផ្ទះប្រជាពលរដ្ឋ នៅភូមិសំរោង ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ កាលពីវេលាម៉ោង ១១និង៤០នាទីយប់ ថ្ងៃទី២០ ខែមិថុនា ឆ្នាំ២០២០ ពន្លត់ចប់វេលាម៉ោង ២និង៣០នាទីទៀបភ្លឺ។

ប្រើប្រាស់រថយន្តចំនួន ៦គ្រឿង អស់ទឹកចំនួន ១៤រថយន្ត ។

សម្ភារៈខូចខាតរួមមាន៖
-ឆេះផ្ទះចំនួន ៦ខ្នង និងរោងដាក់អីវ៉ាន់រោងការ ១ខ្នង
-ប្រាក់ខ្មែរចំនួន ៣៩លានរៀល
-ប្រាក់បាតចំនួន ១៧២,០០០បាត
-មាសចំនួន ១តំឡឹង ៦ជី
-ម៉ូតូចំនួន ២គ្រឿង
-កង់ចំនួន ៣គ្រឿង
-ទូរទស្សន៍ចំនួន ៤គ្រឿង
-ទូឈើដាក់ខោអាវចំនួន ១៦
-គ្រែឈើចំនួន ១១
-តុឈើវែងចំនួន ១ ។

សម្ភារៈរោងការអស់ប្រាក់ប្រហែលចំនួន ២០ម៉ឺនដុល្លារ និងសម្ភារៈប្រើប្រាស់ក្នុងផ្ទះទាំងស្រុង ។

មូលហេតុ៖ កំពុងស្រាវជ្រាវ ៕