ព័ត៌មានជាតិ

រថយន្ត​ដាច់​កាឡេ​តៃកុង​លោត​ចុះ​ បណ្តាល​ឲ្យ​កិន​បែកក្បាល​ស្លាប់​

ពោធិ៍សាត់​:​ យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា តៃកុង​រថយន្ត​កែ​ឆ្នៃ​ម្នាក់ ​លោត​ចុះ​ ពីលើ​រថយន្ត​ត្រូវ​រថយន្ត​កិន​ស្លាប់​នៅ​និង​កន្លែង​ ស្ថិត​នៅ​ច​ណុ​ច​រណ្តៅជ័រ​ ស្ថិត​ក្នុងភូមិ​ដីក្រហម​ ឃុំ​អន្លង់​រាប​ ស្រុក​វាល​វែង​ ខេត្តពោធិ៍សាត់​។​

ហេតុការណ៍​នេះ​ កើតឡើង​កាលពី​ថ្ងៃ​ទី​២១​ ខែមិថុនា​ ឆ្នាំ​២០២០​ នៅ​វេលា​ម៉ោង​១៤ និង៣០​នាទី​ ។​ ជន​រង​គ្រោះ​ ឈ្មោះ​ ង៉ែត​ ផល​ឡែ​ន​ ភេទ​ ប្រុស​ អាយុ​២៦​ ឆ្នាំ​ ជនជាតិ​ខ្មែរ​ រស់នៅ​ភូមិ​ដីក្រហម​ ឃុំ​អន្លង់​រាប​ ស្រុក​វាល​វែង​ ខេត្តពោធិ៍សាត់​។​

យោង​តាម​ប្រភព​ព័ត៌មាន​ នៅ​កន្លែង​កើតហេតុ​ បាន​ឲ្យ​ដឹង​ថា​ មុន​ពេល​កើតហេតុ​មាន​ រថយន្ត​ កែ​ឆ្នៃ​មួយ​គ្រឿង​ដឹកឈើ​គ្រឿងផ្ទះ​ចុះ​ចំណោត​ ខណ​:​មក​ដល់​ចំណុច​ខាងលើ ​រថយន្ត​ដាច់​កាឡេ​ ធ្វើ​ឲ្យ​អ្នកបើកបរ​ភ័យ​ស្លន់ស្លោ​ បាន​លោត​ចុះ​ពី​រថយន្ត ក៏ត្រូវ​រថយន្ត​កិន​ចំ​ក្បាល​ ស្លាប់តៃកុង​ នៅ​ចំណុច​រណ្តៅជ័រ​ ស្ថិត​ក្នុង​ភូមិ​ដីក្រហម​ ឃុំ​អន្លង់​រាប​ ។​

ក្រោយ​កើតហេតុ​ សាកសព​ ត្រូវ​បាន​ក្រុម​គ្រួសារ​សាច់ញ្ញាតិ​ យក​ទៅ​ធ្វើ​បុណ្យ​តាម​ប្រពៃណី​៕​

មតិយោបល់