កណ្តាល: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា បុរសម្នាក់បានស្លាប់ភ្លាមៗនៅកន្លែងកើតហេតុ ខណ:តភ្លើងសាកអាគុយឆ្លងចរន្តឆក់ ។ ហេតុការណ៍នេះកើតឡើងនៅថ្ងៃទី ២៣ ខែមិថុនាឆ្នាំ ២០២០ វេលាម៉ោង០៨ .៣០នាទីព្រឹក នៅចំណុចភូមិក្បាលជ្រោយ ឃុំព្រែកគយ ស្រុកស្អាង ខេត្តកណ្ដាល ។
ជនរងគ្រោះ ឈ្មោះទូច សល់ភេទប្រុសអាយុ ៣៨ ឆ្នាំ ជនជាតិខ្មែរមុខរបរ លក់ការ៉េម មានទីលំនៅកន្លែងកើតហេតុ។
តាមព័ត៌មានឲ្យដឹងថា នៅថ្ងៃខែឆ្នាំកើតហេតុខាងលើ ជនរងគ្រោះបានតភ្លើង ពីផ្ទះរបស់ខ្លួនដាក់ចូលអាំងស៊ីវ៉ាទ័រដើម្បីសាកអាគុយ ហើយរាយខ្សែភ្លើងដាក់លើរទេះលក់ការ៉េម ជារទេះដែក ហើយខ្សែភ្លើងបានរលាយធ្វើឲ្យ ឆ្លងចរន្តឆេះដាច់មកប៉ះជនរងគ្រោះ ដែលអង្គុយនៅលើម៉ូតូរទេះលក់ការ៉េមរបស់ខ្លួនបណ្ដាលឲ្យស្លាប់ ។
ក្រោយទទួលបានព័ត៌មានកម្លាំងជំនាញពិនិត្យហេតុស្រុកសហការកម្លាំងប៉ុស្តិក្រុមប្រឹក្សាឃុំពេទ្យមេភូមិនិងក្រុមគ្រួសារបានធ្វើការពិនិត្យសាកសព មានស្នាមខ្លោចត្រង់ចំណុចក្បាលពោះ០១កន្លែង ស្នាមខ្លោចត្រង់ចង្កេះ ស្នាមខ្លោចភ្លៅទាំងសង់ខាង ស្នាមខ្លោចមេជើងស្តាំ០១កន្លែងក្រៅពីនោះពុំមានស្លាកស្នាមអ្វីគួរឲ្យកត់សម្គាល់ឡើយ។
សមត្ថកិច្ចបានធ្វើការសន្និដ្ឋានថា ជនរងគ្រោះពិតជាស្លាប់ដោយសារឆក់ចរន្តអគ្គិសនី រួចបានសាកសពបានប្រគល់ឲ្យក្រុមគ្រួសារធ្វើបុណ្យតាមប្រពៃណី ៕
មតិយោបល់