កាលពីថ្មីៗនេះ កសិករឥណ្ឌា បានរៀបពិធិមង្គលការឲ្យគោញី-ឈ្មោះ មួយគូដើម្បីបណ្ដេញឧបទ្រពចង្រៃចេញពីអ្នកស្រុក ដោយមានប្រជាជនចូលរួមយ៉ាងច្រើនកុះករ។
យោងតាមសំដីរបស់លោក Patwari អ្នករៀបចំពិធីអាពាហ៍ពិពាហ៍នេះ បានឲ្យដឹងថា គោញីដែលត្រូវជាកូនក្រមុំមានឈ្មោះថា “Ganga” ចំណែកគោឈ្មោលដែលត្រូវជាកូនកម្លោះមានឈ្មោះថា “Prakash“។ ប្រជាជនបាននាំគ្នាតុបតែឲ្យគោទាំងពីរក្នុងទម្រង់ប្រពៃណីរបស់ឥណ្ឌា ប៉ុន្តែមង្គលការនេះបានចំណាយអស់ ១៧.០០០ដុល្លារអាមេរិក។
លោក Patwari បានបញ្ជាក់ថា ដោយសារតែតំបន់ដែលនៅក្បែរតំបន់លោករស់នៅជួបគ្រោះធម្មជាតិអាកាសធាតុប្រែប្រួល រួមទាំងមានព្យុះភ្លៀងបណ្ដាលឱ្យកសិផលខូចខាត ទើបប្រារព្ធពិធីនេះឡើង ព្រោះវានឹងជួយបណ្ដេញឧបទ្រពចង្រៃចេញពីភូមិ ។ តំបន់របស់លោកនៅមិនទាន់រងការប៉ះពាល់ទេ ប៉ុន្ដែត្រូវរិះរកវិធីសាស្ដ្រការពារ ដោយរៀបចំពិធីមង្គលការគោដ៏សក្ដិសិទ្ធិនេះដើម្បីជួយគ្រប់គ្រងស្រុក-ភូមិឲ្យយរួចផុតពីគ្រោះធម្មជាតិ៕
មតិយោបល់