ប៉ៃលិនៈយោងតាមផេកផ្សព្វផ្សាយអប់រំក្រសួងមហាផ្ទៃឲ្យដឹងថានៅវេលាម៉ោង២១និង០០នាទីយប់ថ្ងៃ សុក្រ ១៣កើត ខែ អាសាឍ ឆ្នាំជូត ទោស័កព.ស២៥៦៤ត្រូវនឹងថ្ងៃ ទី ០៣ ខែកក្កដា ឆ្នាំ២០២០ មានករណីក្មេងទំនើងបង្កការអុកឡុកចំនួន ០១ករណី កើតឡើងនៅភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
ជនបង្កឈ្មោះ ប៊ុន ហាប់ហុង ភេទ ប្រុស អាយុ ២៥ឆ្នាំ មុខរបរ កម្មកររស់នៅភូមិ អូរឈើក្រំ ឃុំស្ទឹងកាច់ ស្រុក សាលាក្រៅ ខេត្ត ប៉ៃលិន។
ជនរងគ្រោះឈ្មោះ តុក យ៉េត ភេទ ប្រុស អាយុ ២៦ ឆ្នាំ មុខរបរ កម្មករ រស់ នៅ ភូមិ អូរឈើក្រំ ឃុំស្ទឹងកាច់ ស្រុក សាលាក្រៅ ខេត្តប៉ៃលិន (រងរបួសស្រាល ហើមមុខផ្នែកខាងឆ្វេង)។
ជនទាំងពីរបានផឹកស្រាស្រវឹង ហើយបង្ក ការឈ្លោះប្រកែកគ្នា ហើយក៏ប្រតាយប្រតប់គ្នាបណ្តាលអោយរបួស។

ក្រោយពេលកេីតហេតុ អ្នកទាំងពីរត្រូវបានឃាត់ខ្លួននៅអធិការដ្ឋាននគរបាលស្រុកសាលាក្រៅដើម្បីដោះស្រាយបន្តទៅតាមនីតិវិធី៕