សៀមរាបៈ យោងតាមផេកការិយាល័យផ្សព្វផ្សាយតាមបណ្តាញសង្គម បានឲ្យដឹងថា ថ្ងៃសៅរ៍ ៥កើត ខែស្រាពណ៍ ឆ្នាំជូតទោស័ក ពុទ្ធសករាជ ២៥៦៤ ត្រូវនឹងថ្ងៃទី២៥ ខែកក្កដា ឆ្នាំ២០២០
វេលាម៉ោង ២០ និង៣០នាទី លើផ្លូវលំក្រាលគ្រួសក្រហម ត្រង់ចំណុចខាងកើតវត្តគោកខ្ពស់ ក្រុមប្រទល់ឃុំកែវពណ៌ និង ឃុំខ្នាត ស្រុកពួក ខេត្តសៀមរាប។

លោកវរសេនីយ៍ឯក ទេព ពុំសែន អធិការនៃអធិការដ្ឋាននគរបាលស្រុកពួកបានបញ្ជាក់ថា៖ មានករណីគ្រោះថ្នាក់ចរាចរណ៍ រវាងរថយន្តម៉ាក ណាវ៉ារ៉ា ពណ៌ប្រផេះ ផ្លាកលេខសៀមរាប 2B-9328 បើកបរដោយឈ្មោះ ប៊ុត សុភាព ភេទប្រុស អាយុ៤៩ឆ្នាំ រស់នៅភូមិប្រាសាទ ឃុំសំរោងយា ស្រុកពួក ខេត្តសៀមរាប បើបរទិសដៅពីកើតទៅលិច បានបុកម៉ូតូម៉ាកស្មាស់ រីវ៉ូ ពណ៌ខ្មៅពាក់ផ្លាកលេខ បើកបរដោយ ឈ្មោះ ឈួរ បណ្តែត ភេទប្រុស ភេទប្រុស អាយុ ៤៩ឆ្នាំ នៅភូមិគោករកា សង្កាត់ក្របីរៀល ក្រុង/ខេត្តសៀមរាប មុខរបរ នាយប៉ុស្តិ៍កែវពណ៌ បើកបរទិសដៅពីលិចទៅកើត បណ្តាលឲ្យរបួសធ្ងន់ ខូចខាតរថយន្តចំនួន ០១គ្រឿង ( ស្រាល ) និងម៉ូតូចំនួន ០១គ្រឿង (ស្រាល )។

ក្រោយកើតហេតុ ជនបង្កបានប;ករថយន្តរត់គេច តែត្រូវបានសមត្ថកិច្ចតាមរកឃ;ញរថយន្តនៅផ្ទះ ចំណែកអ្នកបើកបរបានគេចខ្លួនបាត់ ហើយជនរងគ្រោះ ត្រូវបានសមត្ថកិច្ចបញ្ជូនទៅសង្គ្រោះបន្ទាន់ នៅមន្ទីរពេទ្យឯកជន សឹង រិទ្ធីរ៉េត៕

បច្ចុប្បន្ន រថយន្តបង្កត្រូវបានសមត្ថកិច្ចយកមករក្សារទុកនៅអធិការដ្ឋានស្រុកពួក និងកំពុងកសាងសំណុំរឿង ដើម្បីចាត់ការតាមនីតិវិធី៕