ពោធិ៍សាត់ៈ នៅរសៀលថ្ងៃទី២៦ ខែកក្កដា ឆ្នាំ២០២០ វេលាម៉ោង២និង៣០នាទី មានករណីគ្រោះថ្នាក់ចរាចរណ៍មួយលើក ម៉ូតូ២គ្រឿងបុកគ្នា បណ្តាលឲ្យបុរសម្នាក់ស្លាប់ លើកំណាត់ផ្លូវលេខ១៥៦ ចន្លោះបង្គោលគីឡូម៉ែត្រលេខ៦ -៧ ស្ថិតនៅក្នុងភូមិអូរថ្កូវ សង្កាត់រលាប ក្រុងពោធិ៍សាត់ ខេត្តពោធិសាត់ ។

ហេតុការណ៍គ្រោះថ្នាក់ចរាចរណ៍ខាងលើនេះ បង្កឡើងដោយម៉ូតូមួយគ្រឿងម៉ាក វីវ៉ា ពណ៌ខ្មៅ ផ្លាកលេខ1A 1705 ពោធិ៍សាត់ បានធ្វើដំណើរឆ្លងផ្លូវពីលិចទៅកើត អ្នកបើកបរម៉ូតូឈ្មោះ ឆាយ ផានិត ភេទប្រុស អាយុ២៧ឆ្នាំ មុខរបរជាងឈើ រស់នៅភូមិរលាប សង្កាត់រលាប ក្រុងពោធិ៍សាត់ ខេត្តពោធិ៍សាត់ បានរត់គេចបាត់ ។ លុះបើកបរមកដល់ចំណុចកើតហេតុ បានឆ្លងផ្លូវថ្នល់ ពីលិចទៅកើត បណ្តាលឲ្យបុកម៉ូតូមួយគ្រឿងទៀត ដែលបានធ្វើដំណើរពីជើងទៅត្បូងម៉ូតូម៉ាក HONDA C 125 ពណ៌ខ្មៅ ផ្លាកលេខ ពោធិ៍សាត់ 1k .9031 បើកបរដោយឈ្មោះ លី លាង ភេទប្រុស អាយុ២៩ឆ្នាំ មុខរបរកម្មករនៅភូមិអូរថ្កូវ សង្កាត់រលាប ក្រុងពោធិ៍សាត់ ខេត្តពោធិសាត់ បានស្លាប់នៅន្លែងកើតហេតុ ។ ចំណែកជនបើកបរម៉ូតូបង្កបានរត់គេចខ្លួនបាត់ ។

ក្រោយពេលកើតហេតុ សមត្ថកិច្ចបានចុះទៅដល់ទីតាំងខាងលើ ដើម្បីពិនិត្យ និងធ្វើការវាស់វែង យកវត្ថុតាងទាំពីរទៅរក្សាទុក ជាបណ្តោះអាសន្ន នៅអធិការដ្ឋាននគរបាលក្រុងពោធិ៍សាត់ អនុវត្តន៍តាមនីតិវិធីផ្លូច្បាប់ ។ សាកសពជនរងគ្រោះបានប្រគល់ទៅក្រុមគ្រួសារ យកធ្វើបុណ្យតាមប្រពៃណី ៕