ផ្ទះ ព័ត៌មានជាតិ ក្លឹបកម្សាន្ត...

ក្លឹបកម្សាន្តចំនួន៤ទីតាំង នៅ​រាជធានីភ្នំពេញ សមត្ថកិច្ចចុះពិនិត្យ និងធ្វើការណែនាំ

0

ភ្នំពេញ: យោងតាមផេក ស្នងការដ្ឋាននគរបាលរាជធានីភ្នំពេញ បានឲ្យដឹងថា នៅយប់ថ្ងៃទី៣១ ខែកក្កដា ឆ្នាំ២០២០ វេលាម៉ោង២២និង៣០នាទី គណ:បញ្ជាការឯកភាពខណ្ឌដូនពេញញ ដឹកនាំ​ដោយ​លោក សុខ ពេញវុ​ធ អភិបាល​នៃ​គណ​អភិបាល​ខណ្ឌដូនពេញ អមដោយ​សមាសភាព​ចូលរួម មាន៖ ១.លោកស្រីឧត្តមសេនីយ៍ទោ ស៊ឹម ផា​ណុំ ស្នងការរង​នគរបាល​រាជធានី​ភ្នំពេញ,២.លោក យស វុទ្ធី អភិបាល រង​ខណ្ឌដូនពេញ,៣.លោក ទៀង ច័ន្ទ​សារ អធិការនគរបាល​ខ​ណ្ឌ​ដូនពេញ,៤.លោក ម៉ៅ ចាន់​ថុ​ន អធិការរង នគរបាល​ខណ្ឌដូនពេញ,៥,លោក ង៉ែត ងួន មេបញ្ជាការរង​កងរាជអាវុធហត្ថ​ខណ្ឌដូនពេញ,៦.លោក សុក ពិសី នាយករង​រដ្ឋបាល​ខ​ណ្ឌ​ដូនពេញ,៧.លោក នី សា​មិត្ត ប្រធានការិយាល័យ​ដឹកជញ្ជូន អនាម័យ​និង​សណ្តាប់ធ្នាប់,៧.លោក សឿន កុសល ចៅសង្កាត់​ផ្សារ​ថ្មី​ទី៣ បានចុះត្រួតពនិត្យចំនួន០៤ទីតាំង នៅ​តំបន់​ជុំ​ផ្សារ​សូរិយា​មល រួមមាន ៖

១.ក្លឹប​សម្សា​ន្ត Heart (ពិនិត្យ​ជាក់ស្តែង​មិនមែន​សកម្មភាព​ដំណើរការ )។ ២. ក្លឹប​កម្សាន្ត ភូ​ន ធូ​ន (ពិនិត្យ​ជាក់ស្តែង​មិនមាន​សកម្មភាព​ដំណើរការ)។ ៣.អាជីវកម្ម​យីហោ Double A ស្ថិតនៅ ក្នុង​ផ្សារ​សូរិយា​មល (មាន​សកម្មភាព​ដំណើរការ ក្រោយ​ការពិនិត្យ​រួច​កម្លាំង​គ​ណ:បញ្ជាការ​ឯកភាព បានធ្វើ​កំណត់​អប់រំឲ្យ​អនុវត្តន៍​តាម​គោល​ការ​ច្បាប់)។ ៤, អាជីវកម្ម​យីហោ Mo du Pub ត្រូវបាន​ណែនាំ​ឲ្យ​អនុវត្តន៍​តាម​គោល​ការ​ច្បាប់។

ក្រោយពី​ក្រុមការងារ​បាន​ត្រួតពិនិត្យ​ជាក់ស្តែង​រួចមក ឃើញថា៖ ទីតាំង០៤ខាងមិនទាន់មានអាជ្ញាប័ណ្ណទេសចរណ៍​ភោជនីយដ្ឋាន​នូវឡើយ​ទេ។ ហើយទីតាំងនេះមានការរៀបចំឧបករណ៍ម៉ាស៊ីន​វាស់​កម្ដៅ មាន​ចាក់​ភ្លេង​កំដរ​ភ្ញៀ​វតិចៗ និង​មាន​គម្លាត​សុវត្ថិភាព​សង្គម(1,50m) ហើយ​ពុំ​មានការ​រាំ​កម្សាន្ត គ្រប់​បុគ្គលិក​មានការ​ពារ​ម៉ាស់​ត្រឹមត្រូវ បន្ទប់ទឹក​មាន​សាប៊ូ​លាង​តាម​គោលការណ៍​ណែនាំ​របស់​ក្រសួងសុខាភិបាល។

ជាចុងក្រោយ ក្រុមការងារ​បានធ្វើកា​រ​ណែនាំ​ដល់​ម្ចាស់ ឬ​អ្នកគ្រប់គ្រង​ទីតាំង​អាជីវកម្ម ទាំង០៤ខាងលើ​ដូចខាងក្រោម៖ ១.ហាម​ដាច់ខាត​មិនឲ្យ​មានការ​ចាក់​ភ្លេង​រាំ​ឌី​ស្កូ ដែល​ខុសពី​គោលការណ៍​ណែនាំ​របស់​រាជរដ្ឋាភិបាល។ ២.ហាម​មានការ​ប្រគំ​តន្ត្រី (Live Band) ។ ៣.ត្រូវ​បន្ត​គោរព​អនុវត្ត តាម​ការណែនាំ​របស់​រា​ជ​រដ្ឋាភិបាល​ឲ្យ​បានជា​ប្រចាំ និង​ម៉ឺងម៉ាត់​បំផុត។ ៤.ក្នុងករណី​មិន​អនុវត្តតាម​ការណែនាំ​នេះ គណ:បញ្ជាការ​ឯកភាព​រដ្ឋបាល​ខណ្ឌ​នឹងមាន​វិធានការ​យ៉ាង​ម៉ឺងម៉ាត់​បំផុត រួមមាន​ការដកហូត​អាជ្ញាប័ណ្ណ និង​បិទ​ទីតាំង​អាជីវកម្ម ៕

មតិយោបល់