ព្រះសីហនុ: កាលពីយប់ថ្ងៃទី១១ ខែសីហា ឆ្នាំ២០២០ វេលាម៉ោង ៧និង០០នាទីយប់ នៅផ្លូវជាតិលេខ៤ ចន្លោះគីឡូម៉ែត្រលេខ
២១១.២១២ ក្នុងភូមិចំនោទរាម ឃុំបិតត្រាំង ស្រុកព្រៃនប់ ខេត្តព្រះសីហនុ មានករណីគ្រោះថ្នាក់ចរាចរណ៍បង្កឡើងដោយរថយន្ត ០១គ្រឿងម៉ាក FUSO ពណ៌ត្រួយចេក ពាក់ផ្លាកលេខ ព្រះសីហនុ ៣A-៧០៧៣ ក្រុមហ៊ុន SP អ្នកបើកបរឈ្មោះ កែវ សៅភី ភេទប្រុស អាយុ ៣៣ឆ្នាំ មុខរបរ អ្នកបើកបររថយន្ត មានទីលំនៅភូមិសាលា ឃុំជាំសង្កែ ស្រុកភ្នំស្រួច ខេត្តកំពង់ស្ពឺ មានទិសដៅពីខេត្តព្រះសីហនុ ឆ្ពោះទៅ ភ្នំពេញដល់ចំណុចខាងលើ ស្ថានភាពផ្លូវចុះចំណោតរថយន្តនេះដាច់ហ្រ្វាំងរួចជ្រុលទៅបុកប៉ះរថយន្តចំនួន ០៣គ្រឿង មាទិសដៅស្របគ្នា៖
១-រថយន្តម៉ាក Ssangyong ពណ៌ស ពាក់ផ្លាកលេខ ភ្នំពេញ ២W-៩៩៣៤ ដឹកកម្មករ ។
២-រថយន្តម៉ាក Ssangyong ពណ៌ស ពាក់ផ្លាកលេខ ភ្នំពេញ ២Z-៤១៩៨ ដឹកកម្មករ ។
៣-រថយន្តម៉ាក LEXUS RX៣៣០ ពណ៌ប្រផេះ ពាក់ផ្លាកលេខ ព្រះសីហនុ ២B-៦៩១៨ ។

ក្រោយកើតហេតុមួយសន្ទុះ ក៏មានរថយន្តដឹកកុងតឺន័រ ០១គ្រឿងម៉ាក international ពណ៌ប្រាក់ ពាក់ផ្លាកលេខ ភ្នំពេញ ៣D-៦២៦៩ (អ្នក
បើកបរមិនទាន់ស្គាល់អត្តសញ្ញាណ) មានទិសដៅពីខេត្តព្រះសីហនុ ឆ្ពោះទៅ ភ្នំពេញ លុះដល់ចំណុចខាងលើបានគេចរថយន្តម៉ាក LEXUS RX
៣៣០ (ដែលជួបគ្រោះថ្នាក់ករណីទី១កណ្តាលផ្លូវ) ក៏ជ្រុលចង្កូតមកខាងឆ្វេងដៃបុករះម៉ូតូចំនួន ០៤គ្រឿង ដែលឈប់ចតមើលហេតុការណ៍គ្រោះថ្នាក់ចរាចរណ៍លើទី១ មានដូចខាងក្រោម៖
១-ម៉ូតូម៉ាក WAVE ពណ៌ខ្មៅ ផ្លាកលេខ ភ្នំពេញ១U-៦០១៣ ។
២-ម៉ូតូម៉ាកម៉ាក HONDA C១២៥ ពណ៌ ខ្មៅ ពាក់ផ្លាកលេខ ភ្នំពេញ១DE-២៩៥១ ។
៣-ម៉ូតូម៉ាក HONDA C១២៥ ពណ៌ ខ្មៅ គ្មានផ្លាកលេខ ។
៤-ម៉ូតូម៉ាក HONDA C១២៥ ពណ៌ ខ្មៅ គ្មានផ្លាកលេខ ។

ករណីខាងលើបណ្តាលឲ្យស្លាប់មនុស្សចំនួន ០១ នាក់ (ប្រុស) រងរបួសធ្ងន់ចំនួន ០៧ នាក់ (ស្រី០៣នាក់) រងរបួសស្រាលចំនួន ២២នាក់ (ស្រី២០នាក់)៕