កណ្ដាល: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា បុរសចំណាស់ម្នាក់ត្រូវកម្លាំងនគរបាលស្រុកស្អាងចាប់ឃាត់ខ្លួន ក្រោយពីជនសង្ស័យរូបនេះចាប់ក្មេងស្រីជាអនីតិជនរំលោភរហូតមានផ្ទៃពោះ៥ខែ ប្រព្រឹត្តកាលពីថ្ងៃទី២០ ខែមីនា ឆ្នាំ២០២០ វេលាម៉ោង១០និង៣០នាទី នៅចំណុចព្រៃខាងក្រោយផ្ទះជនរងគ្រោះ ស្រុកស្អាង ខេត្តកណ្តាល ។
មន្ត្រីនគរបាលស្រុកស្អាងបានឲ្យដឹងថា ជនសង្ស័យឈ្មោះ អាត ពុយ អាយុ៥៣ឆ្នាំ ជនជាតិខ្មែរ មុខរបរលេងភ្លេងខ្មែរមានទីលំនៅ ស្រុកស្អាង ខេត្តកណ្តាល ត្រូវសមត្ថកិច្ចឃាត់ខ្លួននៅថ្ងៃទី១៤ ខែសីហា ឆ្នាំ២០២០។ ចំណែកក្មេងស្រីរងគ្រោះស្រីអាយុ១៤ឆ្នាំ ជនជាតិខ្មែរ ។
ប្រភពដដែលបន្តថា កាលពីថ្ងៃទី២០ ខែមីនា ឆ្នាំ២០២០ វេលាម៉ោង១០និង៣០នាទីជនសង្ស័យបានលួងលោមក្មេងស្រីរងគ្រោះរួមភេទដោយឲ្យលុយចំនួន២ម៉ឺនរៀល តែក្មេងស្រីរងគ្រោះមិនព្រមទេ ពេលនោះជនសង្ស័យក៏បានចាប់អូសដៃជនរងគ្រោះចូលព្រៃក្រោយផ្ទះរួចបានធ្វើសកម្មភាពរំលោភក្មេងស្រីរងគ្រោះបានសម្រេចបានចំនួន២ដង ។ លុះមកដល់ថ្ងៃទី១៥ ខែមេសា ឆ្នាំ២០២០ វេលាម៉ោង១៤និង០០នាទី(ថ្ងៃចូលឆ្នាំទីពីរ)ជនសង្ស័យបានលួងលោមក្មេងស្រីរងគ្រោះទៅព្រៃខាងក្រោយផ្ទះទៀតកន្លែងដដែល រួចបានធ្វើសកម្មភាពចាប់រំលោភបានសម្រេចម្តងទៀត ហីយជនសង្ស័យបានឲ្យលុយទៅជនរងគ្រោះចំនួន២ម៉ឺនរៀល ។
សមត្ថកិច្ចបន្តទៀតថា រហូតមកដល់នៅថ្ងៃទី៩ ខែសីហា ឆ្នាំ២០២០ វេលាម៉ោង១៣និង០០នាទី ជនសង្ស័យបានលួងលោមជនរងគ្រោះទៅព្រៃខាងក្រោយផ្ទះកន្លែងដដែល រួចបានធ្វើសកម្មភាពចាប់រំលោភបានសម្រេចចំនួន២ដងទៀត ហើយជនសង្ស័យបានឲ្យលុយទៅជនរងគ្រោះចំនួន២ម៉ឺនរៀល ។ លុះនៅថ្ងៃទី១៣ ខែសីហា ឆ្នាំ២០២០ វេលាម៉ោងប្រហែល១៦និង៣០នាទី ម្តាយក្មេងស្រីរងគ្រោះបានសង្ស័យថា កូនស្រីមានផ្ទៃពោះក៏បានទិញឧបករណ៍ពិនិត្យទឹកនោមឃើញថា កូនមានផ្ទៃពោះពិតមែន ហើយមកដល់ព្រឹកឡើងថ្ងៃទី១៤ ខែសីហា ឆ្នាំ២០២០ វេលាម៉ោងប្រហែល៧ព្រឹក ម្តាយជនរងគ្រោះបានយកកូនស្រីទៅឲ្យគ្រូពេទ្យពិនិត្យមើល ហើយគ្រូពេទ្យបាននិយាយថា ជនរងគ្រោះមានផ្ទៃពោះចំនួន៥ខែហើយ ។ ពេលនោះម្តាយជនរងគ្រោះបានសួរនាំកូនស្រីថាកូនឯងខូចខ្លួនខូចប្រាណជាមួយអ្នកណា ពេលនោះជនរងគ្រោះបាននិយយាយប្រាប់ម្តាយថាជាមួយឈ្មោះ អាត ពុយ (ជនសង្ស័យ)ហើយម្តាយជនរងគ្រោះក៏បានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលកោះខ្សាច់ទន្លាតែម្តង ។
ពេលទទួលបានពាក្យបណ្តឹងពីម្តាយជនរងគ្រោះ កម្លាំងប៉ុស្តិ៍នគរបាលកោះខ្សាច់ទន្លាបានកោះហៅជនសង្ស័យយកមកធ្វើការសាកសួរ ។ នៅចំពោះមុខសមត្ថកិច្ចនគរបាលជនសង្ស័យបានសារភាពថា ខ្លួនពិតជាបានចាប់រំលោភទៅលើជនរង បណ្តាលឲ្យមានផ្ទៃពោះពិតប្រាកដមែន។
បច្ចុប្បន្ន ជនសង្ស័យបានបញ្ជូនមកអធិការដ្ឋាននគរបាលស្រុកស្អាង ដើម្បីកសាងសុំរឿងចាត់ការតាមនីតិវីធី ៕
មតិយោបល់