ភ្នំពេញៈ រថយន្ត ម៉ាក PEU-CEOTមួយគ្រឿង បើកបុករថយន្តព្រូស បណ្តាលឱ្យជ្រុលទៅបុករះរថយន្តម៉ាកព្រូសមួយគ្រឿងទៀត និងម៉ូតូ៣គ្រឿងទៀតរងការខូចខាត។

ហេតុការណ៍នេះ បានកើតឡើងកាលពីវេលាម៉ោង ៨ និង៥០នាទីព្រឹក ថ្ងៃទី ២១ខែសីហា ឆ្នាំ ២០២០ ស្ថិតនៅលើផ្លូវ១៨៦ កែងផ្លូវ២៥៣ ត្រង់ចំណុចមុខឃ្លាំងលក់ម៉ូតូមួយកន្លែង ក្នុងសង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។

រថយន្តម៉ាក PEU-CEOT ពណ៌ស ពាក់ផ្លាកលេខ ភ្នំពេញ 2BG-0621។ រថយន្តរងគ្រោះម៉ាកព្រូស គ្មានផ្លាកលេខ។

តាមប្រភពព័ត៌មានពី កន្លែងកើតហេតុ បានឲ្យដឹងថា នៅមុនពេលកើតហេតុ គេឃើញរថយន្ត ម៉ាក ព្រូសគ្មានផ្លាកលេខ ធ្វើដំណើរតាមបណ្តោយផ្លូវ២៥៣ ទិសដៅពីជើងទៅត្បូង។ លុះមកដល់ចំណុចកើតហេតុ ស្រាប់តែមានរថយន្តមួយគ្រឿង ម៉ាក PEU-CEOT ធ្វើដំណើរតាមបណ្តោយផ្លូវ១៨៦ ជ្រុលទៅបុកពេញទំហឹង បណ្តាលឱ្យរថយន្តព្រូផ្លោង ទៅបុករថយន្តមួយគ្រឿងទៀត ដោយមិនទាន់អស់ល្បឿន ក៏បន្តបើកចូលទៅឃ្លាំងលក់ម៉ូតូ រួចបុកម៉ូតូរងការខូចខាត ៣គ្រឿង ទើបរថយន្តទៅមុខលែងរួច។ រីឯរថយន្តព្រូស១គ្រឿង រងការខូចខាតតិចតួច បានបើកចេញពីកន្លែងកើតហេតុ។

ក្រោយពីកើតហេតុ សមត្ថកិច្ច មូលដ្ឋាន បានមកដល់ទាក់ទង ជំនាញមកវាស់វែង យក រថយន្តទាំងពីរគ្រឿង និងម៉ូតូដែលខូចខាត ទៅដោះស្រាយបញ្ចប់រឿងនៅអធិការដ្ឋានខណ្ឌ៕