កំពង់ចាម: នៅវេលាម៉ោង ០៩ និង ៣០នាទី ថ្ងៃទី១៨ ខែសីហា ឆ្នាំ២០២០ ត្រង់ចំណុចក្នុងចម្ការកៅស៊ូភូមិក្រញ៉ាង ឃុំអូរម្លូ ស្រុកស្ទឹងត្រង់ ខេត្តកំពង់ចាម កម្លាំងជំនាញកងរាជអាវុធហត្ថ ខេត្តកំពង់ចាមសហការជាមួយកម្លាំងមូលដ្ឋាន កងរាជអាវុធហត្ថស្រុកស្ទឹងត្រង់ ដឹកនាំដោយលោក វរសេនីយ៍ត្រី ឆាយ រ៉ង ប្រធានមន្ទីរយុត្តិធម៌ស្តីទីកងរាជអាវុធហត្ថខេត្ត បានចុះបង្ក្រាបករណីជួញដូរ និងប្រើប្រាស់គ្រឿងញៀន។

ជាលទ្ធផល បានឃាត់ខ្លួនជនសង្ស័យជាបន្តបន្ទាប់ បានចំនួន០៤នាក់ និងដកហូតវត្ថុតាងម្សៅក្រាម(ម៉ាទឹកកក)ចំនួន ៣៥ កញ្ចប់, ថ្នាំញៀន (WY)ចំនួន ៣៣០គ្រាប់, រថយន្តចំនួន ០១គ្រឿង, ម៉ូតូចំនួន០១គ្រឿង និង ទូរស័ព្ទដៃចំនួន ០៣ គ្រឿង។

បច្ចុប្បន្ន ជនសង្ស័យ និង វត្ថុតាងជំនាញកងរាជអាវុធហត្ថខេត្ត បានកសាងសំណុំរឿង ដើម្បីចាត់ការតាមនីតិវិធីច្បាប់៕