កណ្ដាល: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា យ៉ាងហោចណាស់ មនុស្សម្នាក់ស្លាប់បាត់បង់ជីវិត និង៥នាក់ទៀត រងរបួសធ្ងន់ស្រាល ក្នុងហេតុការណ៍គ្រោះថ្នាក់ចរាចរណ៍មួយ រវាងម៉ូតូ២គ្រឿងបុកគ្នា បណ្ដាលឲ្យដួលចូលក្រោមរថយន្ត ត្រូវរថយន្តកិន កាលពីថ្ងៃទី២ ខែកញ្ញា ឆ្នាំ២០២០ វេលាម៉ោង១៥និង២០នាទី លើផ្លូវជាតិលេខ៦ ចន្លោះគីឡូម៉ែត្រលេខ២២-២៣ ត្រង់ចំណុចភូមិកណ្ដាល.ឃុំព្រែកអញ្ចាញ ស្រុកមុខកំពូល ខេត្តកណ្ដាល ។
មន្ត្រីនគរបាលចរាចរណ៍ស្រុកមុខកំពូល បានឲ្យដឹងថា ជនរងគ្រោះស្លាប់មានឈ្មោះ ចើត គឹមយី ភេទស្រី អាយុ១៦ឆ្នាំ មានទីលំនៅភូមិព្រែកថ្មី ឃុំព្រែកអញ្ចាញ ស្រុកមុខកំពូល ខេត្តកណ្ដាល ជាអ្នករួមដំណើរលើម៉ូតូម៉ាក អ៊ិចស៊ិនធ័រ ពណ៌ខ្មៅ គ្មានពាក់ផ្លាកលេខ បើកបរដោយឈ្មោះ ផន សុភ័ក្រ. ភេទប្រុស.អាយុ១៨ឆ្នាំ មានទីលំនៅភូមិតាំងឫស្សី ឃុំរកាជល្លឹង .ស្រុកខ្សាច់កណ្ដាល ខេត្តកណ្ដាល (របួសធ្ងន់) និងមានអ្នករួមដំណើរម្នាក់ទៀតឈ្មោះ. ឡី រ៉ូ ភេទប្រុស.អាយុ១៦ឆ្នាំ. មានទីលំនៅភូមិជាមួយគ្នា ។
ចំណែកភាគីម៉ូតូម្ខាងម៉ាកប៊ីត.ពណ៌ខៀវស ពាក់ផ្លាកលេខកណ្ដាល 1AE-2483. បើកបរដោយឈ្មោះ អឿន សិទ្ធ ភេទប្រុស. អាយុ២៧ឆ្នាំ.មានទីលំនៅភូមិក្រាំងអារី.ឃុំភ្នំតូច.ស្រុកឧត្ដង្គ.ខេត្តកំពង់ស្ពឺ ដោយមានរួមដំណើរ២នាក់.ទី១-ឈ្មោះ វង្ស ភ័ត្រា ភេទប្រុស.អាយុ១២ឆ្នាំ មានទីលំនៅជាមួយគ្នា.ទី២-ឈ្មោះ.សិទ្ធ ម៉ារៀ ភេទស្រី អាយុ៣ឆ្នាំ មានទីលំនៅជាមួយគ្នា។ ដោយឡែករថយន្តដែលម៉ូតូជនរងគ្រោះបុកនោះម៉ាក ហ៊ីយ៉ាន់ដាយ .ពណ៌ទឹកប្រាក់.ពាក់ផ្លាកលេខ កំពង់ចាម 3A-5192 មានសណ្ដោងសឺម៊ីរ៉ឺម៉ក ពាក់ផ្លាកលេខកំពង់ចាម 4A-0480 អ្នកបើកបររត់គេចបាត់ ។
ប្រភពដដែលបន្តថា នៅមុនពេលកើតហេតុ សាក្សីបានឃើញម៉ូតូម៉ាកអ៊ិចស៊ិនធ័រ គ្មានពាក់ផ្លាកលេខ បើកបរដោយឈ្មោះ.ផន សុភ័ក្រ ភេទប្រុស អាយុ១៨ឆ្នាំ ដោយមានរួមដំណើរ២នាក់ពីក្រោយទី១-ឈ្មោះឡី រ៉ូ ភេទប្រុស អាយុ១៦ឆ្នាំ.ទី២-ឈ្មោះ. ចើត គឹមយី ភេទស្រី អាយុ១៦ឆ្នាំ ធ្វើដំណើរពីត្បូងទៅជើង លុះមកដល់ចំណុចកើតហេតុ បានមកបុកម៉ូតូមួយគ្រឿងម៉ាកប៊ីត ពណ៌ខៀវស ពាក់ផ្លាកលេខកណ្ដាល 1AE2483. បើកបរដោយឈ្មោះ អឿន សិទ្ធ ភេទប្រុស អាយុ២៧ឆ្នាំ ដោយមានអ្នករួមដំណើរ២នាក់ទី១-ឈ្មោះ វង្ស ភ័ត្រា ភេទប្រុសអាយុ១២ឆ្នាំ និងទី២-ឈ្មោះ.សិទ្ធ ម៉ារៀ ភេទស្រី អាយុ៣ឆ្នាំ ធ្វើដំណើរពីត្បូង ទៅជើង(ពីភ្នំពេញទៅកំពង់ចាម)ស្របទិសគ្នា បណ្ដាលឲ្យម៉ូតូទាំង២គ្រឿង ដួលហើយរអិលទៅចូលក្រោមរថយន្តមួយគ្រឿងម៉ាក ហ៊ីយ៉ាន់ដាយ .ពណ៌ទឹកប្រាក់.ពាក់ផ្លាកលេខ.កំពង់ចាម3A-5192 មានសណ្ដោងសឺម៊ីរ៉ឺម៉ក ពាក់ផ្លាកលេខកំពង់ចាម 4A0480 អ្នកបើកបររត់គេចបាត់ស្រមោល ដែលធ្វើដំណើរចេញពីរោងចក្រS.K ក្នុងទិសដៅពីកើតទៅលិច ហើយបត់ស្ដាំទៅទិសខាងជើង បណ្ដាលឲ្យស្លាប់ឈ្មោះ.ចើត គឹមយី.នៅកន្លែងកើតហេតុ និងរបួសធ្ងន់ដល់ឈ្មោះ.ផន សុភ័ក្រ និងនិង៤នាក់ទៀតរបួសស្រាល។
ក្រោយពីមានហេតុការណ៍កើតឡើង ជនរងគ្រោះរបួសធ្ងន់ ត្រូវបានបញ្ជូនទៅព្យាលបាលនៅពេទ្យភ្នំពេញ។ ចំណែកវត្ថុតាងពាក់ព័ន្ធ ត្រូវបានកម្លាំងប៉ុស្តិ៍ព្រែកអញ្ចាញ និងកម្លាំងជំនាញស្រុក បានចុះទៅដល់កន្លែងកើតហេតុ ហើយបានពិនិត្យ និង វាស់វែង រួចយកម៉ូតូទាំង២និងរថយន្តមករក្សាទុកនៅអធិការដ្ឋាននគរបាលស្រុកមុខកំពូលដើម្បីចាត់ការតាមច្បាប់ ។ ចំណែកសពជនរងគ្រោះឈ្មោះ ចើត គឹមយី ជំនាញបានធ្វើកំណត់ហេតុប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។
តាមការសន្និដ្ឋានរបស់សមត្ថកិច្ចបានឲ្យដឹងថា ករណីនេះបណ្ដាលមកអ្នកបើកបរម៉ូតូអ៊ិចស៊ិនធ័រ បើកបរលឿន ខ្វះការប្រុងប្រយ័ត្ន ហើយបានមកបុកម៉ូតូម៉ាកប៊ីតពីក្រោយ រួចដួលចូលរថយន្តទាំង២គ្រឿង៕
មតិយោបល់