ប៉ៃលិន: យោងតាមផេក ផ្សព្វផ្សាយអប់រំ ក្រសួងមហាផ្ទៃ បានឲ្យដឹងថា ថ្ងៃសុក្រ ២រោច ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៤ ខែកញ្ញា ឆ្នាំ២០២០ ក្រោមការដឹកនាំបញ្ជាពីលោកវរសេនីយ៍ឯក យ៉ែម សារិទ្ធ អធិការនគរបាលក្រុងប៉ៃលិន ផ្នែកប្រឆាំងគ្រឿងញៀននៃអធិការដ្ឋាននគរបាលក្រុងប៉ៃលិន បានបញ្ជូនយុវជនញៀនថ្នាំម្នាក់ឈ្មោះ ចាន់ សច្ច: ភេទប្រុស អាយុ៣៤ឆ្នាំ មុខរបរ លក់ដូរ រស់នៅភូមិបរឌិននៀវ សង្កាត់ប៉ៃលិន ក្រុងប៉ៃលិន ខេត្តប៉ៃលិន ទៅកាន់មណ្ឌលអប់រំកែប្រែជីវិតថ្មីភ្នំបាក់ (ខេត្តបន្ទាយមានជ័យ) ដើម្បីស្ដានីតិសម្បទា និងបន្សាបគ្រឿងញៀន តាមការស្នើសុំរបស់អាណាព្យាបាល៕
មតិយោបល់