កោះកុង: នៅថ្ងៃទី១០ ខែកញ្ញា ឆ្នាំ២០២០ វេលាម៉ោង១០និង៣០នាទី ព្រឹកមានករណីលួចម៉ូតូ១គ្រឿង នៅចំណុចការដ្ឋានសំណង់ទល់មុខភោជនីយដ្ឋាន Cheer ស្ថិតក្នុងភូមិ៣ សង្កាត់ស្មាច់មានជ័យ ក្រុងខេមរភូមិន្ទ បង្រ្កាបបានជនសង្ស័យ២នាក់ ។
ក្រោមការបញ្ជារបស់លោកឧត្ដមសេនីយ៍ ស្នងការបានចាត់កម្លាំងអធិការក្រុងខេមរភូមិន្ទ សហការជាមួយកម្លាំងប៉ុស្តិ៍នគរបាលរដ្ឋបាល ចុះល្បាតត្រួតពិនិត្យ រហូតឈានដល់ឃាត់ខ្លួន មុខសញ្ញាសង្ស័យបានចំនួន២នាក់ ទាន់ពេលវេលានៅវេលាម៉ោង១៣និង៣០នាទី រសៀលនៅចំណុចក្រោយពន្ធនាគារខេត្ត ស្ថិតក្នុងភូមិសង្កាត់ស្ទឹងវែង ក្រុងខេមរភូមិន្ទ ជនសង្ស័យរួមមាន៖
១.ឈ្មោះ ឌី វណ្ណឌី ភេទប្រុស អាយុ៣៧ឆ្នាំ ជនជាតិខ្មែរ មានទីលំនៅភូមិ២ សង្កាត់ស្មាច់មានជ័យ ក្រុងខេមរភូមិន្ទ (អ្នកធ្វើសកម្មភាព)២.ឈ្មោះ សុរិយ វាតា ភេទប្រុស អាយុ២១ឆ្នាំ ទីលំនៅភូមិ១ សង្កាត់ស្មាច់មានជ័យ ក្រុងខេមរភូមិន្ទ (រួមគំនិត)។
ដកហូតវត្ថុតាង៖ ម៉ូតូអេចសេនទ័រ១គ្រឿង ។
ករណីខាងលើនេះ កម្លាំងជំនាញកំពុងរៀបចំសុំណុំរឿងចាត់ការតាមនីតិវិធីច្បាប់ ៕
មតិយោបល់